2025 jyl Almaty qalasy úshín jastar sayasaty men halyqaralyq jastar yntymaqtastyǵyn damytu jolyndaǵy mańyzdy kezeńge aınaldy, - dep habarlaıdy Aqshamnews.kz.
Būl turaly Almaty qalasynyń Jastar sayasaty basqarmasynyń ókílderí habarlady.
Tarıhta tūńǵysh ret Almatyǵa «Túrkí álemíníń Jastar astanasy – 2025» mártebesí berílíp, būl shahardyń túrkí memleketterí jastarynyń bastamasyn bíríktíretín, píkír almasu men mádenı yqpaldastyqtyń altyn kópíríne aınalǵanyn aıǵaqtady.
Atalǵan mártebeníń resmı ashylu saltanaty 2025 jyly 18 tamyzda Túrkí memleketterí ūıymynyń (TMŪ) IV Halyqaralyq jastar festıvalí ayasynda óttí. Saltanatty jıynǵa Ázírbaıjan, Qazaqstan, Qyrǵyzstan, Túrkıya jáne Ózbekstannan kelgen bes memlekettíń ókílderí qatysty. Ár ūlttyq delegatsıya 10 adamnan qūraldy. Sonymen qatar ís-sharaǵa baqylaushy memleketter – Vengrıya men Túríkmenstannan kelgen delegattar qatysty.
Túrkí álemíníń Jastar astanasy mártebesí Almatyǵa 2024 jyly osy mıssıyany atqarǵan Lenkeran qalasynan (Ázírbaıjan) resmı túrde tabystaldy. Almaty jastaryna sımvoldyq kílttíń beríluí bauyrlastyqtyń, ortaq qūndylyqtardyń sabaqtastyǵy men halyqaralyq jastar yntymaqtastyǵyn nyǵaıtudyń jarqyn kórínísí boldy. Būl sheshím Túrkí memleketterí ūıymynyń jastar jáne sport ísterí jóníndegí mınıstrleríníń VIII otyrysynda qabyldanǵan edí.
2025 jyly Túrkí álemíníń Jastar astanasy mártebesí ayasynda jáne TMŪ-nyń qoldauy men qatysuymen Almatyda bírqatar mańyzdy halyqaralyq ís-shara ūıymdastyryldy. Atap aıtqanda, Jastar almasuynyń 3-baǵdarlamasy, jas kóshbasshylar men kásípkerlerdíń kezdesuí, Turki Fest Almaty-2025 mádenı festıvalí jáne «Jaıdarman» halyqaralyq TURKI CUP-2025 festıvalí joǵary deńgeıde óttí.
«Almatyǵa Túrkí álemíníń Jastar astanasy mártebesíníń beríluí qalada jastarmen júıelí árí maqsatty jūmys júrgízílíp kele jatqanyn kórsetedí. Bíz úshín jastar sayasaty naqty múmkíndíkterge – damu, dıalog jáne halyqaralyq yntymaqtastyqqa negízdeluí asa mańyzdy. 2025 jyly Almaty túrkí elderíníń jastary bír-bíríníń mádenıetín tanyp qana qoımaı, bolashaqqa baǵyttalǵan ortaq ıdeyalardy bírge qalyptastyrǵan keńístíkke aınaldy», – dedí Almaty qalasy Jastar sayasaty basqarmasynyń basshysy Azız Kajdenbek.
Jastar astanasy jyly ayasynda jastar bastamalaryn damytuǵa, eríktíler qozǵalysyn qoldauǵa jáne jas buyndy áleumettík árí qoǵamdyq úderísterge keńínen tartuǵa erekshe kóńíl bólíndí.
2025 jyly Túrkí álemí jastarynyń astanasy mártebesín íske asyru halyqaralyq baılanystardy keńeıtuge, tájírıbe almasuǵa jáne jastar yntymaqtastyǵyn odan árí damytu úshín jaǵdaı jasauǵa múmkíndík berdí.
Sonymen qatar, 2026 jyly da túrkí memleketterí arasyndaǵy jastar yntymaqtastyǵyn damytu jalǵasyn tabady. Almatyda «Digital Turkic Youth» forumy, Túrkí memleketterí ūıymy Jastar platformasynyń III Bas assambleyasy, V Halyqaralyq jastar lageríníń ótkízíluí jáne TMŪ elderí arasynda Studenttík ekologıyalyq habtyń qūryluy josparlanǵan. Jyl qorytyndysy retínde Túrkí álemíníń Jastar astanasy mártebesín jabu rásímí ótíp, estafeta kelesí qalaǵa tabystalady.