Tūrǵyn úıdí satyp alu-satu mámíleleríníń sany 28,4% óstí

2026 jylǵy mausym aıynda tūrǵyn úıdí alyp-satu boıynsha 39 053 mámíle tírkelgen, – dep habarlaıdy aqshamnews.kz tílshísí.

2026 jylǵy mamyrmen salystyrǵanda (30 420) mámíleler sany 28,4%-ǵa óstí. Mámíleler sany boıynsha Almaty (6 841 – 17,5%) jáne Astana (6 436 – 16,5%) qalalary, sonymen qatar, Qaraǵandy oblysy (3 772 – 9,7%) kósh bastap tūr. Mámíleler sany Ūlytau oblysynda eń az – 360 mámíle (0,9%) tírkelgen.

2026 jylǵy mamyrmen salystyrǵanda mausymda mámíleler sanynyń ósuí barlyq óńírlerde baıqalady. Eń joǵarǵy ósím Mańǵystau  (+67,4%), Qaraǵandy (+43,4%) jáne Atyrau (+40,9%) oblystarynda tírkeldí.

Kóppáterlí úılerdegí tūrǵyn úı mámíleler sany 2026 jylǵy mamyr aıymen salystyrǵanda 25,9% (6 051 mámílege) óstí. 2026 jyldyń mausym aıynda páterler boıynsha barlyǵy 29 432 mámíle jasaldy, būl mámílelerdíń jalpy sanynyń 75,4%. Kóppáterlí úılerdegí tūrǵyn úı saudasynyń negízgí úlesí Astana (21,4%), Almaty (21,2%) qalalaryna jáne Qaraǵandy oblysyna (10,5%) tıesílí. Bólmeler sany boıynsha 1 bólmelí páterler satylymy basym boldy – 11 348 mámíle.

2026 jylǵy mamyrmen salystyrǵanda mausymda jeke tūrǵyn úıler boıynsha mámíleler sany da 36,7% (2 582 mámílege) óstí. Mausymda barlyǵy 9 621 mámíle tírkelgen. Jeke tūrǵyn úıler boıynsha mámíleler sanynyń ósímí, Shyǵys Qazaqstan oblysyn (-1,4%) qospaǵanda, barlyq óńírlerde tírkeldí.