2026 jylǵy 25 shíldeden bastap Qazaqstan men Bíríkken Arab Ámírlíkterí arasynda júrgízushí kuálíkterín ózara tanu jáne aıyrbastau turaly kelísím resmı túrde kúshíne endí, – dep habarlaıdy aqshamnews.kz tílshísí.
Atalǵan kelísímge Qazaqstan Respublıkasynyń Íshkí íster mınıstrí Erjan Sádenovtíń Bíríkken Arab Ámírlíkteríne jūmys sapary barysynda qol qoıylǵan.
Kelísímge sáıkes, BAÁ aumaǵynda uaqytsha júrgen Qazaqstan azamattary eldíń qoldanystaǵy zańnamasyna saı qazaqstandyq júrgízushí kuálígín paıdalana alady.
Al BAÁ-ge tūraqty tūruǵa kóshken qazaqstandyqtar «B» sanaty (jeńíl avtomobılder) men «B1» kíshí sanaty (úsh dóńgelektí kólík qūraldary jáne kvadrotsıklder) boıynsha júrgízushí kuálígín jergílíktí kuálíkke teorıyalyq jáne praktıkalyq emtıhan tapsyrmaı-aq aıyrbastau múmkíndígíne ıe bolady.
Mūndaı jeńíldetílgen tártíp Qazaqstanǵa tūraqty tūruǵa kelgen Bíríkken Arab Ámírlíkteríníń azamattaryna da qoldanylady. Olar da óz elínde berílgen júrgízushí kuálígín qosymsha emtıhansyz qazaqstandyq úlgídegí kuálíkke aıyrbastaı alady.
Jańa kelísím ekí el arasyndaǵy azamattardyń júríp-tūruyn jeńíldetíp, júrgízushí kuálíkterín rásímdeu rásímín ońaılatuǵa baǵyttalǵan.