Kókshetauda avtojuu oryndarynyń bírínde qaıǵyly oqıǵa boldy. Metall konstruktsıyany demontajdau kezínde 18 jastaǵy jūmysshyny toq soǵyp, ol oqıǵa ornynda kóz jūmdy. Al onyń kámeletke tolmaǵan áríptesí auruhananyń jansaqtau bólímíne tústí, – dep habarlaıdy aqshamnews.kz tílshísí.
Aldyn ala málímetter boıynsha, jūmysshylar metall qūrylymdy bólshekteu kezínde abaısyzda elektr berílísí jelísíne tıíp ketken. Sonyń saldarynan 18 jastaǵy jígít alǵan soqqydan bírden tíl tartpaı kettí.
Qasynda bolǵan jasóspírím shūǵyl túrde auruhanaǵa jetkízíldí. Dárígerlerdíń aıtuynsha, qazírgí uaqytta onyń ómíríne qauíp tóníp tūrǵan joq, jaǵdaıy tūraqty.
«Patsıenttíń jaǵdaıy tūraqty, ómíríne tíkeleı qauíp joq. Jaǵdaıyn dınamıkalyq baqylau men monıtorıng júrgízu úshín ol bírneshe saǵat boıy jansaqtau bólímínde boldy. Qazírgí uaqytta ol tolyq kólemde medıtsınalyq kómek aluda», — dep habarlady Aqmola oblystyq Densaulyq saqtau basqarmasynyń baspasóz qyzmetí.
Oryn alǵan qaıǵyly oqıǵa faktísí boıynsha sotqa deıíngí tergeu amaldary bastaldy.