«Otbasy bankíníń» basqarma tóraıymy Lázzat Ibragımova osylaı dedí, dep habarlaıdy aqshamnews.kz
Onyń aıtuynsha, eger ınflyatsıya deńgeıí joǵary kúıínde qalsa, qazaqstandyqtar taǵy da sharshy metrdíń qymbattauyna kuá bolady. Al ınflyatsıyalyq qysym tómendese, naryqtaǵy baǵa qozǵalysy áldeqaıda bayau bolmaq.
NARYQTYŃ JAǴDAIY
«Meníń oıymsha, 2026 jyl 2025 jáne 2024 jyldardaǵydaı ótedí. Eger jalpy ınflyatsıya deńgeıí joǵary bolsa, tūrǵyn úı baǵasy ósedí. Bíraq bízdíń kepíldegí páterler boıynsha aıtarlyqtaı qymbattau baıqalyp otyrǵan joq. Negízínen, naryq tynysh jaǵdaıda tūr. Keıbír sarapshylar ony toqyrau dep baǵalaıdy. Ásírese ekínshí naryqtaǵy tūrǵyn úıde belsendílík tómen. Satyp alu-satu mámílelerí kóp emes, ıpoteka óte qymbat, ár kelísím úlken saudalasumen jáne jeńíldíkpen jasalyp jatyr», dedí Ibragımova.
QAZAQSTANDYQTARǴA KEŃES
Bank basshysy qazír úı alu-almaudy oılap júrgen azamattarǵa keńes berdí. Lázzat Ibragımovanyń sózínshe, eger būl bírínshí baspana bolsa jáne otbasy jaldamaly páterde tūrsa, satyp aludy keıínge qaldyrmaǵan jón, bótenníń úıíne jaldau aqysy tólengenshe, óz baspanasyna aqsha salǵan dūrys.
Al eger satyp alu ınvestıtsıya retínde qarastyrylsa, yaǵnı keıín qaıta satudy kózdese, onda basqa qarjylyq qūraldarǵa nazar audarǵan tıímdí. Mysaly, baǵaly qaǵazdar nemese joǵary paıyzdyq mólsherlemesí bar depozıtter. Sebebí, bank basshysynyń píkírínshe, aldaǵy uaqytta tūrǵyn úı baǵasynyń kúrt ósuín kútuge negíz joq.
