Bıyl 18,2 myń jeńíldetílgen ıpotekalyq nesıe beríledí. Būl turaly Úkímet otyrysynda Ónerkásíp jáne qūrylys mınıstrí Ersaıyn Naǵaspaev aıtty, – dep habarlaıdy aqshamnews.kz tílshísí inform.kz-ke sílteme jasap.
Salany jandandyru úshín qūrylysty qarjylandyru, daıyn páterlerdí satyp alu, ınjenerlík ınfraqūrylymdy damytu jáne qoljetímdí ıpotekalyq qūraldardy keńeıtu sıyaqty memlekettík qoldau sharalary íske asyrylyp jatyr. Osy sharalar ayasynda ótken jyly 218 mlrd teńgege 14,5 myń jaldamaly páter satyp alynyp, kezekte tūrǵan azamattarǵa beríldí. Sonymen qatar, 14 myńnan astam «kredıttík tūrǵyn úılerdí» salu men satyp aluǵa 140 mlrd teńge bólíndí, - dedí Ersaıyn Naǵyspaev.
Onyń deregínshe, 10,5 myń jer uchaskesíne ınjenerlík jelí tartyldy. 68 mlrd teńgege 2 jáne 5 paıyzdyq bes myńnan astam jeńíldetílgen ıpotekalyq nesıe beríldí.
Sondaı-aq «Nauryz» jáne «Nauryz-Jūmysker» baǵdarlamalary ayasynda 233 mlrd teńgege 8,6 myń nesıe berldí. Osy jyly da jergílíktí atqarushy organdardyń baǵaly qaǵazdaryn satyp alu arqyly shamamen 11,5 myń kredıttík tūrǵyn úı salu men satyp aluǵa 155 mlrd teńge qarajat jūmsau jáne 18,2 myń jeńíldetílgen ıpotekalyq nesıe beru josparlanuda, - dedí mınıstr.
