9 nauryzda keshke Reseı prezıdentí Vladımır Putın men AQSh prezıdentí Donald Tramp telefon arqyly sóılestí, – dep habarlaıdy aqshamnews.kz tílshísí.
Būl turaly jurnalısterge Reseı prezıdentíníń halyqaralyq máseleler jóníndegí kómekshísí Yurıı Ushakov málímdedí.
Búgín keshke Reseı jáne AQSh prezıdentterí telefon arqyly sóılestí, — dedí ol.
Kreml ókílíníń aıtuynsha, būl Putın men Tramp arasyndaǵy ekí aıdan astam uaqyttaǵy alǵashqy áńgíme. Sondaı-aq baılanys AQSh pen Izraıldíń Iranǵa jasaǵan soqqysynan keıín alǵash ret ornatylǵan.
Ushakov prezıdentter arasyndaǵy áńgímení ashyq, ísker árí konstruktıvtí dep sıpattady. Onyń sózínshe, mūndaı format Reseı men AQSh kóshbasshylary arasyndaǵy dıalogqa tán qalypty baılanys tásílí.
Būǵan deıín AQSh ókílderí Reseı men Ukraına arasyndaǵy daǵdarysty sheshu baǵytyndaǵy kelíssózder jaqyn arada Vladımır Zelenskıı men Vladımır Putın arasyndaǵy jeke kezdesuge ūlasuy múmkín ekenín aıtqan. Būl turaly AQSh-tyń arnaıy ókílí Stıv Uıtkoff málímdegen. Aqparatqa sáıkes, yqtımal kelíssózderge Donald Tramp ta qatysuy múmkín.
