Astanada Qazaqstannyń Jasyl Qūrylys Keńesí (KazGBC) ūıymdastyrǵan Green Build Central Asia 2025 forumy óttí.
Bıylǵy forum Keńestíń on jyldyq mereıtoıyna arnaldy, - dep habarlaıdy aqshamnews.kz.
Ís-sharaǵa áıgílí developerler, sáuletshíler, memlekettík organdar ókílderí, qarjy ınstıtuttary, halyqaralyq ūıymdar men joǵary oqu oryndary bar 100-den astam qatysushyjınaldy. Forum jasyl qūrylys bolashaǵyn talqylauǵa arnalǵan óńírdegí eń írí alańǵa aınalyp, Qazaqstan men jalpy Ortalyq Azıyadaǵy salanyń jańa damu baǵytyn aıqyndady.
On jyl íshínde KazGBC tūraqty qūrylys ekojúıesín qalyptastyryp, energıya tıímdílígí men resurstardy ūtymdy paıdalanudy ílgerílettí, sondaı-aq halyqaralyq saraptamanyń óńírlík ortalyǵyna aınaldy. Qazaqstandyq OMIR ádístemesí boıynsha jalpy audany shamamen 5 mln sharshy metr bolatyn 150-den astam nysan sertıfıkattaldy. Sonymen qatar OMIR
Ázírbaıjanda jasyl qūrylys standartyn ázírleuge negíz boldy.
Forumda salanyń basty tehnologıyalary, trendterí men syn-qaterlerí talqylandy:
- ınnovatsıyalyq qūrylys materıaldary, tsıfrlyq sheshímder,
- jańa buyn mamandaryn dayarlau,
- sondaı-aq OMIR ádístemesíníń damuy.
Spıkerler qatarynda KazGBC ókílderí — Danıyar
Azymhanov, Aıman Shopaeva, Aleksandr Belyı, sondaı-aq Ázírbaıjan Jasyl Qūrylys Keńesíníń dırektory Fuad Bagırov jáne qūrylys materıaldaryn sertıfıkattau jóníndegí sarapshy
Vıktorıya Glushchenko boldy.
Forum qonaqtary arasynda Azıat Damu Bankí, Sat NS, BI Group, Bazis A, AO Otbasy Bank, Satbayev University, L.N.Gumılev atyndaǵy EŪU jáne ózge de ūıymdar ókílderí qatysty.
Forumnyń erekshe sátí jasyl qūrylys salasyndaǵy úzdíkterdí marapattaıtyn Green Awards rásímí boldy. Marapat ıegerlerí qatarynda Sat NS, OKS Group, Kanfar Building, Azıat
Damu Bankí, Nūr Astana Qūrylys, Nest Stroy, Satbayev University, «Ergonomıka» ǵylymı-óndírístík fırmasy jáne basqa da ūıymdar bar.
KazGBC dırektory Danıyar Azymhanov on jyl íshínde Keńes kóptegen qıyndyqtarmen betpe-bet kelgenín, alaıda búgíngí nátıjeler komandanyń tūraqty árí damushy júıe
qalyptastyra alǵanyn dáleldeıtínín atap óttí.
KazGBC atqarushy dırektory Aleksandr Belyı naryqtyń ekologıyalyq transformatsıyaǵa daıyn ekenín aıtyp, jasyl qūrylys Qazaqstannyń tūraqty ekonomıkalyq ósímíne jáne básekege qabílettílígíne áser etetín mańyzdy faktor bolatynyn jetkízdí.
Ortalyq Azıya -Kaspıı - Kavkaz óńíríndegí yntymaqtastyq bírlesken jobalar men tájírıbe almasuǵa úlken múmkíndík beretínín aıtty. Onyń sózínshe, KazGBC óńírdegí jasyl qūrylys trendterín aıqyndap, kórshí elderdíń kásíbı qauymdastyqtary nazar audaratyn jańa baǵyttardy qalyptastyryp otyr.
Green Build Central Asia 2025 forumy qūrylys jáne ekologıya salasy úshín mańyzdy oqıǵaǵa aınaldy. Ol kásíbı baılanystardy nyǵaıtyp, jańa yntymaqtastyqtarǵa jol ashyp, Qazaqstandaǵy jasyl qūrylys damuyna serpín berdí. Praktıkalyq keısterdí talqylau, OMIR ádístemesín jetíldíru jáne salanyń úzdíkterín marapattau elímízdíń tūraqty qūrylys sheshímderí boıynsha óńírlík ortalyq retínde pozıtsıyasyn kúsheıttí.
“10 jyl íshínde bíz tūraqty qūrylys ıdeyalaryn naryq damuynyń bír bólígíne aınaldyrdyq. Búgínde Qazaqstannyń Ortalyq Azıyadaǵy jasyl qūrylys kóshbasshysy boluǵa múmkíndígí bar, al Green Build Central Asia forumy būl maqsattyń qol jetkízerlík ekenín aıqyn kórsettí” - dep atap óttí KazGBC.