F.Dostoevskıı Semeı qalasynda 5 jyl boıy jūmys ístegen.
Qazaqstan halqy Assambleyasynyń keńeıtílgen otyrysynda Memleket basshysy Qasym-Jomart Toqaev Fedor Dostoevskııdíń 200 jyldyǵyna arnalǵan atauly ís-shara ūıymdastyrudy ūsyndy, dep habarlaıdy Almaty-akshamy.kz
«Qazaqstanda etnıkaaralyq dıalog dástúríníń tamyry tereńde jatyr. Máselen, kórnektí zertteushí Potanın Grıgorıı Alekseevıchtí Alash qaıratkerlerí "qūrmettí aqsaqal" dep ataǵan. Potanınníń qazaq tílínde sóılegení, halqymyzdyń mádenıetín, tūrmysyn jáne tarıhyn zerttegení belgílí. Qazaqtyń tanymal ǵalymy Shoqan Uálıhanovpen dostyq qarym-qatynasta bolǵan. Bıyl YuNESKO qamqorlyǵymen Shoqan Uálıhanovtyń taǵy bír dosy, álem ádebıetíníń klassıgí Dostoevskıı Fedor Mıhaılovıchtíń 200 jyldyǵy atalyp ótedí. Meníńshe, elímízdíń tarıhı ortalyqtarynyń bírí – Semeıde osynau datanyń kúníne oraı atauly ís-shara ūıymdastyru kerek», - dedí Memleket basshysy.
F.Dostoevskıı Semeı qalasynda 5 jyl boıy jūmys ístegen. Qalada jazushynyń ádebı-memorıaldy muzeıí ornalasqan. Osy muzeı-úı búkíl álem turısterí úshín mádenı-tanymdyq nysanǵa aınala alady.
«Mádenıetterdíń bír-bírímen aralasuynda shekara joq. Ol halyqty ruhanı baıytady. Būl meníń nyq senímím. Qazaqstanda Aleksandr Pushkınnen bastap «Edílde kazakpyn, Jaıyqta qazaqpyn» dep aıtqan Nobel syılyǵynyń laureaty Mıhaıl Sholohovqa deıín orys ádebıetíníń kóptegen klassıgí shabyt alǵan edí», - dedí Qasym-Jomart Toqaev.