Jazushy Nūrdáulet Aqysh Almatydaǵy referendumda dauys beru úderísíníń jaqsy ūıymdastyrylǵanyn aıtty, – dep habarlaıdy aqshamnews.kz tílshísí.
Belgílí jazushy, fılologıya ǵylymdarynyń kandıdaty Nūrdáulet Aqysh jańa Konstıtutsıya jobasy boıynsha ótken respublıkalyq referendumda dauys beruge qatysty.
Onyń aıtuynsha, referendum uchaskesínde tūrǵyndardyń belsendílígí joǵary boldy, al dauys beru úderísí jaqsy ūıymdastyrylǵan.
«Barlyǵy óte jaqsy ūıymdastyrylǵan. Adamdy qarsy alyp, sūraǵyna jauap beríp, ne ísteu kerektígín túsíndíríp jatyr. Būl uchaskede jyly árí jaıly atmosfera qalyptastyrady», — dedí Nūrdáulet Aqysh.
Ol sondaı-aq mūndaı mańyzdy oqıǵalar azamattarǵa el damuyna qatysty máseleler boıynsha óz ūstanymyn bíldíruge múmkíndík beretínín atap óttí.
«Dauys beru — el taǵdyryna qatysty mańyzdy sheshímder qabyldanatyn kezde beı-jaı qalmaı, oǵan qatysudyń bír múmkíndígí», — dedí jazushy.