1 mausym kúní Almatyda Halyqaralyq balalardy qorǵau kúníne arnalǵan merekelík ís-sharalar ótedí, – dep habarlaıdy aqshamnews.kz tílshísí.
Merekelík baǵdarlama ayasynda Alatau audanyndaǵy 100 balaǵa tsırkke baru ūıymdastyrylady.
Almaly audanynda saǵat 11:00-de Prokofev pen Dúısenov júrgínshíler kósheleríníń qıylysynda Halyqaralyq balalardy qorǵau kúníne arnalǵan merekelík kontsert ótedí.
Áuezov audanynda merekelík baǵdarlama saǵat 10:00-de Family Park-ta (Ótegen batyr kóshesí, 57A) fleshmob pen alyp quyrshaqtar jáne ertegí keıípkerleríníń sheruímen bastalady.
Saǵat 11:00-de osy jerde N. Sats atyndaǵy teatr balalarǵa arnalǵan teatrlandyrylǵan oıyn-sauyq baǵdarlamasyn ūsynady.
Saǵat 11:40-ta Halyqaralyq balalardy qorǵau kúníne arnalǵan saltanatty ís-shara ótedí. Sonymen qatar saǵat 11:00-de «Saryarqa» skverínde (4-shaǵynaudan) «Sport dostyq alańy» aktsıyasy ayasynda dzyudo jáne asyq atudan turnırler, sondaı-aq baǵaly syılyqtar tabystalatyn sporttyq mereke ūıymdastyrylady.
Saǵat 14:00-de Polıtehnıkalyq kolledjde «Parasatty azamat» taqyrybyndaǵy «Ūrpaqtar sabaqtastyǵy» tennıs turnırí ótedí.
Al saǵat 10:00-de №141 jalpy bílím beretín mektep bazasynda (Jetísu-2 shaǵynaudany, 8V) mektepke deıíngí bílím beru ūıymdarynyń tárbıelenushílerí qatysatyn «Jūldyzdy sát» qalalyq festıvalí ūıymdastyrylady.
Bostandyq audanynda halyqtyń áleumettík osal sanatyndaǵy balalarǵa arnalǵan arnaıy merekelík baǵdarlama ázírlengen. 30 mamyr men 2 mausym aralyǵynda az qamtylǵan jáne kópbalaly otbasylardan shyqqan balalar, sondaı-aq erekshe qajettílígí bar balalar tsırkke, haıuanattar baǵyna, «Fantasy World» oıyn-sauyq sayabaǵyna, Á. Qasteev atyndaǵy Memlekettík óner muzeıíne, quyrshaq teatry men kınoteatrlarǵa tegín bara alady.
Jetísu audanynda «Gúlder» sayabaǵynda (Serıkov kóshesí, 6A) saǵat 10:00-de shamamen 500 qatysushyny qamtıtyn Damu Bala Fest festıvalí ótedí. Sonymen qatar audanda «Kítap álemínde» chellendjí ayasynda qazaqstandyq jazushylarmen kezdesuler, mánerlep oqu baıqaulary jáne súıíktí kítaptardy talqylau ūıymdastyrylady.
Medeu audanynda saǵat 10:00-de Oqushylar saraıynyń ortalyq alańynda «Shattyqqa toly balalyq» merekelík ís-sharasy ótedí. Saǵat 15:00-de Qazaq memlekettík fılarmonıyasynda shamamen 500 balaǵa arnalǵan «Ǵajaıyp balalar álemí» gala-kontsertí ūıymdastyrylady. Sonymen qatar 400-ge juyq bala úshín tegín ekskursıyalar men mádenı-oıyn-sauyq baǵdarlamalary ótkízíledí.
Nauryzbaı audanynda bírqatar merekelík ís-shara josparlanǵan. Shūǵyla shaǵynaudany, 347 mekenjaıyndaǵy amfıteatrda saǵat 15:00-de «Shyńǵa órle, bıíkke samǵa!» áleumettík klubynyń qatysuymen Halyqaralyq balalardy qorǵau kúníne arnalǵan merekelík kontsert ótedí. Sonymen qatar balalarǵa arnalǵan kıno kórsetílímí ūıymdastyrylady. Al Innovatsıyalyq shyǵarmashylyq ortalyǵynda (Shūǵyla shaǵynaudany, 347/4) Memlekettík quyrshaq teatry teatr ónerín nasıhattauǵa jáne balalardyń mádenı demalysyn ūıymdastyruǵa baǵyttalǵan kontserttík baǵdarlamasyn ūsynady.
Túrksíb audanynda «Taza Qazaqstan» ekologıyalyq tūjyrymdamasy ayasynda sudaǵy qauípsízdík pen jol qozǵalysy erejeleríne arnalǵan «Balalyq shaq dosy» audandyq taqyryptyq chellendjí ótedí. Ís-shara saǵat 10:00-de №59 mektep-gımnazıyasynda ūıymdastyrylady. Osy kúní saǵat 10:00-de Sauranbaev kóshesíndegí Arbatta «Balalyq shaq» audandyq merekesí ótedí.
Sondaı-aq, būl kúní mektep janyndaǵy lagerlerdíń ashyluy, oqushylardyń fotokollajdary men sándík-qoldanbaly óner būıymdarynyń kórmelerí ūıymdastyrylady.