Almaty halyqaralyq turıstík árí ískerlík hab retíndegí mártebesín nyǵaıtudy jalǵastyryp keledí. 2026 jylǵy 31 mamyrdan bastap megapolıs tūrǵyndary men qonaqtary Polsha astanasy — Varshava qalasyna tíkeleı ūsha alady. Almaty – Varshava baǵyty boıynsha jańa reıstí Polshanyń ūlttyq áue tasymaldaushysy LOT Polish Airlines íske qosady, – dep habarlaıdy aqshamnews.kz tílshísí.
Áue reısterí zamanauı Boeing 737 MAX ūshaqtarymen aptasyna tórt ret oryndalady. Būl Qazaqstan men Europa arasyndaǵy qatynasty barynsha jaıly árí qolaıly etuge múmkíndík beredí.
Jańa baǵyttyń ashyluyna oraı 1 mausym kúní Almatyǵa polshalyq turoperatorlar men trevel-blogerlerden qūralǵan delegatsıya keledí. Qonaqtar úshín qalamen tanysuǵa arnalǵan mazmūndy baǵdarlama ázírlengen. Baǵdarlama ayasynda olar Almatynyń basty kóríktí jerlerín, zamanauı turıstík ınfraqūrylymyn, gastronomıyalyq oryndaryn aralap, Íle Alatauyndaǵy demalys aımaqtaryna barady.
Sonymen qatar Polsha turıstík ındustrıyasynyń ókílderí almatylyq turoperatorlar jáne bıznes qauymdastyq ókílderímen kezdesíp, bírlesken jobalar men ózara yntymaqtastyq múmkíndíkterín talqylaıdy.
Halyqaralyq áue qatynasyn damytu Almaty úshín basym baǵyttardyń bírí bolyp qala beredí. Áue baǵyttarynyń keńeyuí turısten sanynyń artuyna, halyqaralyq baılanystyń nyǵayuyna jáne qalanyń Ortalyq Azıyadaǵy sayahat pen bızneske eń tartymdy baǵyttardyń bírí retíndegí ımıdjín qalyptastyruǵa yqpal etedí.