Qasym-Jomart Toqaev Qarjy monıtorıngí agenttígíníń tóraǵasy Janat Elımanovty qabyldady, – dep habarlaıdy aqshamnews.kz tílshísí.
Prezıdentke agenttík qyzmetíníń negízgí qorytyndylary men aldaǵy kezeńge arnalǵan míndetterí jónínde bayandaldy.
Janat Elımanov:
➤ Byudjet shyǵystaryna júrgízílgen monıtorıng kezínde mal sharuashylyǵy salasyna bólíngen 30 mıllıard teńge subsıdıyany tıímsíz paıdalanu táuekelderí anyqtalǵanyn aıtty.
Ǵylymı zertteuler men ǵylymı-tehnıkalyq nátıjelerdí kommertsıyalandyruǵa baǵyttalǵan 10 mıllıardtan asa teńgení maqsatsyz jūmsau belgílerí aıqyndaldy.
Míndettí áleumettík medıtsınalyq saqtandyru qarajatyn jymqyru faktílerí boıynsha 14 sotqa deıíngí tergeu bastalǵan, al qūrylys salasynda 5,3 mıllıard teńgení zańsyz ıemdenbek bolǵan jandarǵa qatysty 21 qylmystyq ís qozǵaldy.
➤ Alayaqtyq áreketterdíń aldyn alu boıynsha 17 qarjy pıramıdasynyń qyzmetí toqtatylǵany jáne bankter men baılanys operatorlarynyń atyn jamylyp, arnaıy qūrylǵylar arqyly jappaı fıshıngtík SMS-habarlamalar taratqan top áshkerelengení jónínde esep berdí.
Jalpy audıtorıyasy 25 myńnan asatyn 3,7 myń alayaqtyq saıt jáne 22 toptyq chat jabylǵan. 400-den astam jalǵan qūrylys kompanıyasynyń zańsyz túrde bírínshí sanattaǵy lıtsenzıya aluyna jol berílgen joq.
➤ Qylmystyq tabystardy jylystatuǵa qarsy kúres salasynda atqarylǵan jūmystardy tanystyrdy.
Atap aıtqanda, zańsyz shemalarda qoldanylǵan drop-kartalarǵa qatysty 14 sotqa deıíngí tergeu bastaldy, olardyń esepshotyndaǵy qarjynyń jalpy aınalymy 13 mıllıard teńgeden asqan.
«Kóleńkedegí» tūlǵalarǵa rásímdelgen 68 myńnan astam karta būǵattalǵan. Jalǵan kompanıyalar men qūjattardy paıdalanu faktílerí boıynsha 23 ís tírkelgen, keltírílgen zalal – shamamen 13 mıllıard teńge.
Qarjylyq pıramıdalar, onlaın-kazıno jáne alayaqtyqtan túsken tabysty jylystatumen aınalysqan 3 jasyryn krıptoaıyrbastau qyzmetíníń joly kesíldí. Krıptovalyuta aıyrbastauǵa qatysty zańsyz onlaın servısterge kíruge arnalǵan 483 sílteme joıyldy.
Memleket basshysy:
Agenttíktíń negízgí baǵyttary boıynsha bírqatar naqty tapsyrma berdí.