Almatydaǵy №2 Balalar qalalyq klınıkalyq auruhana hırurgtary taǵy bír kúrdelí otany sáttí jasap shyqty, – dep habarlaıdy aqshamnews.kz tílshísí.
Auruhanaǵa shūǵyl túrde jetkízílgen 12 jastaǵy qyzdyń asqazanynan írí kólemde túıínshek bolyp qalǵan shash – medıtsına tílímen aıtqanda trıhobezoar shyqty.
Būl otanyń kúrdelí bolǵan sebebí, jasóspírímge dál osy dıagnozben būryn ekí ret operatsıya jasalǵan eken, bírínshísí – 2021 jyly Shymkent qalasynda, ekínshísí – 2024 jyly Semeıde. Kez kelgen qaıta jasalǵan operatsıyalarda kezdesetíndeı, ísh quysynda jabysqaq protsestíń (spaıka) damuymen qatar, otdan keıíngí tyrtyqtar paıda bolyp, asqazan qabyrǵasy edáuír ózgergen. Sondyqtan būl operatsıya asqan dáldíktí, úlken táuekeldí, múlt ketpeudí talap etedí.
Al ekínshí auruhananyń kásíbı dárígerlerí operatsıyany joǵary deńgeıde oryndady. Qazírgí kúní nauqastyń jaǵdaıy tūraqty dep baǵalanuda.