Qazaqstan Prezıdentí Qasym-Jomart Toqaev Oraza aıt merekesíne oraı qazaqstandyqtarǵa qūttyqtau joldady, dep habarlaıdy Aqshamnews.kz tílshísí.
Memleket basshysy būl meıramnyń mūsylman qauymy úshín erekshe mańyzǵa ıe ekenín atap ótíp, onyń ruhanı tazalyq, sabyrlyq, ózara qūrmet pen qaıyrymdylyq sıyaqty ízgí qūndylyqtardy dárípteıtínín jetkízdí. Prezıdenttíń aıtuynsha, oraza ūstaǵan jūrt ımanyn kúsheıtíp, ıgí ísterge ūıytqy bolyp, mūqtaj jandarǵa qoldau kórsetedí.
Sondaı-aq Qasym-Jomart Toqaev bıyl Oraza aıttyń Nauryz merekesímen tūspa-tūs keluíníń sımvoldyq mání zor ekenín atap óttí. Onyń píkírínshe, būl kezeń el damuyndaǵy jańa tarıhı belespen sabaqtasyp jatyr. Prezıdent jańa Konstıtutsıyanyń qabyldanuyn halyqtyń jarqyn bolashaqqa, ádílettílík pen órkendeuge jasaǵan tańdauy retínde baǵalady.
Memleket basshysy barsha qazaqstandyqtarǵa densaulyq, baq-bereke men tabys tílep, el tynyshtyǵy men bírlígíníń nyǵaya beruíne tílektestík bíldírdí.