Memleket basshysy Qasym-Jomart Toqaev Qarjy monıtorıngí agenttígínde jıyn ótkízdí, - dep habarlaıdy aqshamnews.kz tílshísí.
Prezıdent sala mamandaryn kásíbı merekesímen qūttyqtap, osydan bes jyl būryn, el íshínde auqymdy ózgeríster qolǵa alynyp jatqan tarıhı kezeńde qūrylǵan Qarjylyq monıtorıng agenttígí ózíne júktelgen jauapkershílík pen míndettí abyroımen oryndap kele jatqanyna nazar audardy.
Prezıdent: "Qarjylyq alayaqtyqqa qarsy ís-qımyldyń jańa tásílderín oılastyru qajet"
"Agenttík qarjy pıramıdalarymen belsendí kúres júrgízíp jatyr. Tek byltyrdyń ózínde 140-tan astam qylmystyq ís tergelíp, jarty mıllıonnan asa adamnyń qarjysyn tartpaqshy bolǵan 15 myń saıt pen 123 chat jabyldy. Alaıda qabyldanyp jatqan sharalar da, túsíndíru jūmystary da jaǵdaıdy túbegeılí ózgerte almaı tūr. Áıtse de oń úrdís bar. Nege? Óıtkení alayaqtar pıramıdany túrlí qarjy qūraldary sıyaqty ūsynady. Al azamattar olardyń arbauyna túsíp, bar tapqan-tayanǵanynan aıyrylyp qalyp jatyr. Sondyqtan qarjylyq alayaqtyqqa qarsy ís-qımyldyń tıímdí sharalaryn ázírlep, problemanyń túp tamyryn anyqtaǵan jón. Óz áreketíníń zańsyz ekenín bíle tūra, adamdardy túrlí alayaqtyq shemalarǵa tartatyn pıramıda qatysushylaryna qūqyqtyq jauapkershílík engízu máselesín qarastyru qajet. Mūndaı alayaqtardy nemese qymsynbaı qylmysqa baratyn jandardy túrmege qamap, qylmystyq jazaǵa tartu kerek. Eger Qarjylyq monıtorıng agenttígí, Úkímet osyndaı túzetulerdí ūsynsa, men qoldaımyn. Máselení qarastyryńyzdar. Osy tektes batyl sheshímder qabyldamasaq, ahualdyń ońala qoyuy ekítalaı. "Bayaǵy jartas – sol jartas" kúıínde qala beredí, – dedí Prezıdent", – dedí Memleket basshysy.
Qasym-Jomart Toqaev zańdy tūlǵalardyń kúmándí tabystardy zańdastyruyna qatysty jazany kúsheıtudí tapsyrdy
"Esírtkí bıznesímen kúrestí kúsheıtu qajet. Ókíníshke qaraı, qazír esírtkí saudasynan túsken tabysty tekseru jūmysynyń tıímdílígí tómen. Qylmyskerlerdíń zańsyz jolmen tapqan jeke múlkímen qatar, basqa adamdardyń atyna rásímdegen múlkí de memleketke qaıtaryluǵa tıís. Qysqasy, qylmystyq jolmen ıemdengen múlíktíń bárín tárkíleu máselesín mūqıyat pysyqtaǵan jón. Zańdy tūlǵalardyń kúmándí tabystardy zańdastyruyna qatysty jazany kúsheıtu kerek. Būl qadam halyqaralyq standarttarǵa tolyq saı keledí", – dedí Memleket basshysy.
Memleket basshysy: "Qarjy naryǵyn retteu jáne damytu agenttígímen jáne Ūlttyq bankpen bírge kommertsıyalyq bankterdíń zańsyz, kúmándí operatsıyalaryna baqylaudy kúsheıtu qajet"
"Jaqynda tóraǵa Elımanov qazaqstandyq bankterdíń bírí arqyly byltyr kórshíles elden basqa memleketterge 7 trıllıon teńgeden astam qarjy "jóneltílgení" turaly bayandady. Meníń oıymsha, būl zańǵa, ekonomıkaǵa, típtí sayasatqa qaıshy keletín ersí jaǵdaı. Ókíníshke qaraı, mūndaı alayaqtyq qarjy shemalaryna qatysty faktíler azaımaı tūr. Osyǵan deıín aıtqanymdaı, būl kesel áleumettík salany da jaılady. Memleket qarjysyn jymqyrushylardyń zańdy belden basqan qomaǵaı áreketí esh aqylǵa syımaıdy", – dedí Qasym-Jomart Toqaev.