Memleket basshysy óńirlik júk avıahabtaryn damytý jóninde keńes ótkizdi, - dep habarlaıdy aqshamnews.kz tilshisi.
Prezıdent avıahabtardy damytý kólik-tasymal salasyndaǵy basym baǵyttardyń biri sanalatynyna toqtaldy.
"Kúlli álem elderi tranzıttik múmkindikterin arttyrýǵa erekshe mán berip otyr. Halyqaralyq básekelestik kúsheıe tústi. Qazir Qazaqstan arqyly jóneltiletin júk, negizinen, avtomobıl jáne temirjol arqyly tasymaldanady. Biraq sarapshylar jyl ótken saıyn áýe joldary arqyly ótetin júk tasymaly, ıaǵnı "air cargo-nyń" úlesi arta túsedi degen boljam jasaýda. 2040 jylǵa qaraı áýe júkteriniń 20 paıyzy "Azıa – Eýropa" baǵytyna tıesili bolmaq. Elimiz temirjoldy, avtokólik jolyn jáne áýe tasymalyn qamtıtyn mýltımodaldi logıstıka júıesin qalyptastyrýy kerek", – dedi Memleket basshysy.