Prezıdent Qasym-Jomart Toqaev MÁMS-ke ózgerister engizý týraly zańǵa qol qoıdy, - dep habarlaıdy Aqshamnews.kz.
"Memleket basshysy "Qazaqstan Respýblıkasynyń keıbir zańnamalyq aktilerine mindetti áleýmettik medısınalyq saqtandyrý jáne medısınalyq qyzmetter kórsetý máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń Zańyna qol qoıdy", - delingen habarlamada.
Zań densaýlyq saqtaý júıesin jaqsartýǵa baǵyttalǵan birqatar mańyzdy ózgertisterdi kózdeıdi. Olardyń qatarynda:
- medısınalyq kómektiń qoljetimdiligi men sapasyn arttyrý;
- medısınalyq qyzmet kórsetýdiń tıimdiligin arttyrý jáne úılestirýdi kúsheıtý maqsatynda biryńǵaı medısınalyq qyzmetter toptamasyn qalyptastyrý;
- halyqty mindetti áleýmettik medısınalyq saqtandyrý (MÁMS) júıesimen qamtýdy keńeıtý;
- azamattardyń, jumys berýshilerdiń jáne memlekettiń birlesken qatysýy esebinen densaýlyq saqtaý júıesiniń qarjylyq turaqtylyǵyn qamtamasyz etý;
- aýrýlardyń aldyn alýdy jáne erte dıagnostıka jasaýdy jetildirý arqyly emdeý aýyrtpalyǵy men qunyn azaıtý;
- medısınalyq uıymdardy sapaly ári tıimdi qyzmet kórsetýge yntalandyrý;
- medısınalyq kómekti qarjylandyrý salasynda ashyqtyq pen eseptilik mehanızmderin engizý.