Prezıdent ınflyatsıyany tómendetu, ekonomıkalyq ósímdí tūraqtandyru jáne azamattardyń naqty tabysyn arttyru máselelerín úkímettíń basty míndetterí retínde atap óttí, - dep habarlaıdy Aqshamnews.kz tílshísí.
"Úkímet júrgízíp otyrǵan ekonomıkalyq sayasat ayasynda ınflyatsıyany tūraqtandyru jáne tómendetu, ekonomıkanyń ornyqty ósímín qamtamasyz etu, sondaı-aq azamattardyń naqty tabys tabuyna jaǵdaı jasau óte ózektí míndet sanalady. Osy baǵytta tayauda úkímet, Ūlttyq bank pen Qarjy naryǵyn retteu jáne damytu agenttígí 2026-2028 jyldarǵa arnalǵan bírlesken ís-qımyl baǵdarlamasyn qabyldady. Men būl jaıynda auyl ákímderíníń dıalog-platformasynda aıtqan edím. Atalǵan baǵdarlamany tıímdí júzege asyru úshín barlyq salalyq organdar men ákímdíkter jūmyla jūmys ísteuí qajet ekenín taǵy da atap ótkím keledí", – dedí prezıdent.
Memleket basshysynyń aıtuynsha, kásípkerler úshín salyq, tarıf jáne retteu sayasatynyń aıqyn árí ádílettí bolǵany erekshe mańyzdy.
“Jańa Salyq kodeksí memleket pen bıznes arasyndaǵy yntymaqtastyq modelín jańǵyrtady. Kásípkerlíktíń ornyqty damuy ózara míndetterdí oryndauǵa negízdeletínín túsíngenímíz jón. Osy oraıda memleket qolaıly ískerlík orta qalyptastyrady. Al bıznes salyqtan jaltarmaıdy. Būl damyǵan, órkenıettí elderdíń barlyǵyna tán", – dedí Toqaev.
Sonymen qatar Memleket basshysy úkímetke kásípkerlerdíń jańa Salyq kodeksíníń keıbír normalaryn íske asyru máselesíne qatysty ótíníshterín mūqıyat saralaudy tapsyrdy.
"Soǵan qaramastan maǵan bıznes tarapynan jańa Salyq kodeksíníń keıbír normalaryn íske asyru máselesíne qatysty ótíníshter túsíp jatyr. Ótíníshterdíń mazmūny barshaǵa málím, olar būqaralyq aqparat qūraldarynda jarıyalanuda. Úkímet olardy mūqıyat saralap, aqylǵa qonymdy sheshím tabady dep oılaımyn. Anyǵyn aıtqanda, basqa jol joq. Būl – memlekettík auqymdaǵy míndet. Salyqtyq ákímshílendírudí jetíldíruge basa mán beru qajet. Atalǵan máselení tsıfrlyq qūraldar arqyly sheshu kásípkerlerdí alańdatyp otyrǵan kóptegen túıtkíldíń túıínín tarqatuǵa múmkíndík beredí", – dedí prezıdent.
Toqaev kelesí jyly qazaqstandyq tauar óndírushíler reestrí men Tauarlardyń ūlttyq katalogy engízíletínín de eskerttí.
“Jańadan íske qosylatyn būl tetíkter keıbír kásíporyndardyń memlekettík satyp alu baıqaularynda negízsíz artyqshylyqqa ıe bolu máselesín retteuge yqpal etuí kerek. Úkímet "Atameken" palatasymen bírge osy jyldyń sońyna deıín bıznes-qoǵamdastyqqa zıyany tımeıtín jańa normalar engízudí qamtamasyz etkení jón", – dedí prezıdent.
