Qasym-Jomart Toqaev Rejep Taııp Erdoǵanǵa kóńíl aıtu jedelhatyn joldady, dep habarlaıdy aqshamnews.kz Aqordaǵa sílteme jasap.
Memleket basshysy Ankara qalasynyń mańyndaǵy TUSAŞ aeroǵarysh korporatsıyasynyń ǵımaratyna jasalǵan lańkestík shabuyl saldarynan bírneshe adamnyń qaza tabuyna baılanysty Túrkıya Prezıdentí Rejep Taııp Erdoǵanǵa kóńíl aıtty.
«Suyt habardy tereń kúızelíspen qabyldadym. Qazaqstan beıbít tūrǵyndarǵa qarsy qastandyq árekettí qatań aıyptaıdy. Osyndaı auyr sátte Sízge jáne barsha túrík halqyna, sondaı-aq qaıtys bolǵan azamattardyń jaqyn tuystaryna qaıǵyryp kóńíl aıtamyn. Marqūmdardyń jany jannatta bolsyn. Zardap shekkenderdíń tezírek sauyǵyp ketuíne tílektestík bíldíremín», – dep jazylǵan jedelhatta.