Prezıdenttíń aıtuynsha, "Taza Qazaqstan" jalpyūlttyq aktsıyasy qorshaǵan ortany qalpyna keltíruge, ekologıyalyq jauapkershílík mádenıetín dárípteuge úles qosqysy keletín myńdaǵan azamatty bíríktírdí. Būl joba BŪŪ-nyń ornyqty damu salasyndaǵy jahandyq bastamalarymen úndesedí.
"Osy oraıda Almaty qalasyn Bíríkken Ūlttar Ūıymynyń qoldauymen halyqaralyq yntymaqtastyq habyna aınaldyru nıetín qūptaımyz. Ortalyq Azıya men Auǵanstanǵa arnalǵan Ornyqty damu maqsattary jóníndegí BŪŪ Óńírlík ortalyǵynyń qūryluy osyndaı múmkíndíkke jol ashty", dedí Qasym-Jomart Toqaev.
Prezıdenttíń sózínshe, būl rette Almatyda BŪŪ Eríktíler baǵdarlamasynyń subóńírlík keńsesíníń ashyluy Qazaqstannyń azamattyq belsendílíktí jáne jahandyq seríktestíktí damytuǵa beıíl ekenín kórsetedí.
Atalǵan bastamalar álemdegí syn-qaterlerdí bírlesken kúsh-jíger men ózara senímníń arqasynda eńseruge bolatynyn rastaıdy.
"Barsha eldíń eríktílerín BŪŪ-nyń qorshaǵan ortany qorǵau, áleumettík ıntegratsıya jáne jastardy qoldau baǵytyndaǵy bastamalaryna qosylyp, ózara tájírıbe almasuǵa jáne bírlesken jobalardy júzege asyruǵa shaqyramyz. Qazaqstan BŪŪ Eríktíler baǵdarlamasyna rızashylyǵyn bíldíredí. Sonymen qatar jastardyń, áıelderdíń jáne shalǵaı aımaq tūrǵyndarynyń múmkíndíkterín keńeıtu úshín seríktestík ayasyn keńeıtuge úndeıdí", dedí Qasym-Jomart Toqaev.
Memleket basshysy sonymen bírge sessıya qatysushylaryn adamzat ıgílígí úshín bírlesíp áreket etuge úndedí.
"Bıyl Bíríkken Ūlttar Ūıymynyń qūrylǵanyna 80 jyl toldy. Osy mańyzdy kezeńde barshańyzdy ádíl árí jasyl álem qalyptastyru jolynda yntymaq-bírlígímízdíń berík ekenín kórsetíp, adamzat ıgílígí úshín bírlesíp áreket etuge shaqyramyn. Qazaqstan aıtuly jyl ayasynda jáne odan keıíngí kezeńderde de áleumettík mańyzy bar eríktíler qyzmetín qoldau úshín BŪŪ-ǵa múshe barlyq memleketpen jáne azamattyq qoǵammen yntymaqtasa jūmys ísteuge árdaıym daıyn", - dedí ol.
