Memleket basshysy ál-Farabı atyndaǵy Qazaq ūlttyq unıversıtetíne bardy, – dep habarlaıdy aqshamnews.kz tílshísí.
Prezıdent Qasym-Jomart Toqaev Almaty qalasyna jūmys sapary ayasynda ál-Farabı atyndaǵy Qazaq ūlttyq unıversıtetíníń ǵylymı áleuetímen tanysty.
QazŪU rektory – basqarma tóraǵasy Janseıít Túımebaev Memleket basshysyna Innovatsıyalyq ónímder ortalyǵynyń jáne Farabi Hub-tyń joǵary tehnologıyalyq jobalaryn kórsettí.
Hab ekonomıkanyń naqty sektoryna ınnovatsıyalyq ázírlemeler engízudí kózdeıtín zamanauı platforma retínde qūrylǵan. Onyń bazasynda kreatıvtí ındustrıya, jasandy ıntellekt pen startap jobalary íske asyrylady. Osy arqyly 300 jańa jūmys orny ashylyp, 20 mıllıon dollardan asa ınvestıtsıya tartyldy.
Ortalyqta ZTE, BASF, Binlin tehnologıyalyq korporatsıyalarynyń, sondaı-aq basqa da sheteldík jetekshí ǵylymı ūıymdardyń zertteu alańdary ornalasqan. Būdan bólek, mūnda QazŪU-díń ǵylymı-zertteu ınstıtuttary jūmys ísteıdí.
Prezıdentke unıversıtet jalpy qūny 1 mıllıard 250 mıllıon teńgení qūraıtyn tórt írí jobany júzege asyryp jatqany jónínde málímet beríldí.
Memleket basshysyna Qytaıdyń Soltústík-batys polıtehnıkalyq unıversıtetímen bírlese ázírlengen mıkrosputnık maketí kórsetíldí.
Joǵary oqu oryndarynyń ǵalymdary NKSAT sputnıgín jasap jatyr. Ol Jerdíń tartylys aumaǵy men radıatsıya deńgeıín ólsheuge, geologıyalyq barlau jūmystaryn júrgízuge arnalǵan.
Qasym-Jomart Toqaevqa «Qashyqtan zondtau jáne ony qoldanu tehnologıyasy» zerthanasynyń qyzmetí tanystyryldy. Būl keshen QHR Ǵylym akademıyasymen bírlese ashyldy. Zerthanada jasandy jer seríkteríníń derekterí negízínde Ortalyq Azıyadaǵy klımat jáne ekologıya ózgerísterí zerdelenedí.
Memleket basshysy «Tsıfrlyq tehnologıyalar men robotty tehnıka» halyqaralyq ınstıtutyn jáne Robotty tehnıka ortalyǵyn, sondaı-aq Qazaqstan-Sıngapur kvanttyq tehnologıyalar ortalyǵyn aralap kórdí.
Qasym-Jomart Toqaevqa unıversıtet bazasynda ornalasqan superkompyuter klasterí kórsetíldí. Ony qūruǵa 23 mıllıon dollar ınvestıtsıya tartylǵan.
Klaster kúrdelí esepteulerdí oryndau merzímín aıtarlyqtaı qysqartyp, ǵylymı zertteulerdíń tıímdílígín arttyrady. Sondaı-aq ÍT jáne jasandy ıntellekt salasynda mamandar dayarlauǵa keńínen jol ashady.