Qazaqstan Respublıkasy Prezıdentíníń janyndaǵy Qazaqstan Respublıkasynyń Ūlttyq ǵylym akademıyasy álemdík ǵylymı qauymdastyqpen yntymaqtastyqty nyǵaıtu jolynda mańyzdy qadam jasady, – dep habarlaıdy aqshamnews.kz tílshísí.
Akademıyanyń 2026 jylǵy 16 nauryzdaǵy №1 Jalpy jınalysynyń sheshímímen alǵash ret Akademıyanyń sheteldík múshelerí saılandy. Būl sheshím otandyq ǵylymdy jahandyq ǵylymı keńístíkke ıntegratsıyalauǵa, halyqaralyq ǵylymı áríptestíktí damytuǵa jáne ozyq bílím men tájírıbe almasuǵa jańa múmkíndíkter ashady.
Akademıyanyń sheteldík múshelerí bolyp álemdík deńgeıdegí kórnektí ǵalymdar saılandy:
KRASNIKOV Gennadıı Yakovlevıch – tehnıka ǵylymdarynyń doktory, professor, Reseı ǵylym akademıyasynyń prezıdentí. Jartylaı ótkízgísh qūrylǵylar fızıkasy, mıkro jáne nanoelektronıka salasynyń jetekshí ǵalymy. Asa úlken ıntegraldyq shemalardy jasau salasynyń mamany.
GO Huadun (郭华东) – Ph.D, professor, Qytaı ǵylym akademıyasynyń akademıgí, Tūraqty damu maqsattaryna arnalǵan Úlken derekter jóníndegí halyqaralyq zertteu ortalyǵynyń dırektory (QHR). Jasandy ıntellekt jáne keńístíktík-uaqyttyq modeldeu salasynyń jetekshí ǵalymy. Radıolokatsıyalyq zondtau jáne Jer turaly úlken derekter salasynyń mamany.
ShOBER Helmut (Schober Helmut) – Ph.D, professor, Europalyq neıtrondyq zertteu ortalyǵynyń dırektory (Shvetsıya). Atom energetıkasy salasynyń jetekshí ǵalymy. Neıtrondyq fızıka jáne neıtrondardyń zatpen ózara árekettesuí salasynyń mamany.
ELLIOTT Mark Krıstofer (Mark C. Elliott) – Ph.D, professor, Garvard unıversıtetíníń vıtse-provosty (AQSh). Jetekshí sınolog-ǵalym, Qytaı men Eurazıya tarıhy men sayasaty salasynyń mamany. Imperıyalyq kezeńdegí Íshkí Azıya boıynsha maman.
Atalǵan sheshím Qazaqstan ǵylymynyń halyqaralyq deńgeıdegí bedelín arttyruǵa jáne álemdík ǵylymı elıtamen tyǵyz baılanys ornatuǵa baǵyttalǵan. Sheteldík múshelerdíń qatysuy bírlesken ǵylymı zertteulerdí damytuǵa, ınnovatsıyalyq jobalardy íske asyruǵa jáne ǵylymı kadrlardy dayarlau sapasyn arttyruǵa yqpal etedí.
Qazaqstan Respublıkasynyń Ūlttyq ǵylym akademıyasy aldaǵy uaqytta da halyqaralyq ǵylymı yntymaqtastyqty keńeıtu jáne eldíń ǵylymı áleuetín damytu baǵytyndaǵy jūmystardy júıelí túrde jalǵastyrady.