Qūtqarushylar azamattarǵa mūz ústínde qauípsíz júru qaǵıdalaryn, mūz astynan balyq aulau talaptaryn, sondaı-aq qysqy belsendí demalys kezíndegí saqtyq sharalaryn túsíndíríp jatyr, dep habarlaıdy aqshamnews.kz
Elordada TJD qyzmetkerlerí halyqtyń jappaı demalatyn oryndarynda túsíndíru jūmystaryn júrgízdí. Tūrǵyndarǵa qysqy kezeńdegí qauípsíz mínez-qūlyqtyń negízgí qaǵıdalary, sondaı-aq syrǵanaqta, konkımen jáne tyubıngpen syrǵanau kezínde saqtyq sharalaryn eske saldy. Qatpaǵan mūz ústímen júruge jáne kólíkpen shyǵuǵa tyıym salynatynyna, sondaı-aq balalardy ata-analardyń tūraqty baqylauda ūstauynyń mańyzdylyǵyna erekshe nazar audaryldy.
Aqmola oblysynyń Tótenshe jaǵdaılar departamentí Kopa kólínde profılaktıkalyq reıd ótkízdí. Ís-shara barysynda qūtqarushylar jaǵalau boıynda ornalasqan qysqy attraktsıondardyń ornalastyrylǵan oryndaryn tekseríp, demalys aımaqtarynyń ıelerímen kvadrotsıklder men qarda júretín tehnıkalar arqyly mūzǵa shyǵuǵa jol berílmeıtíní turaly túsíndíru áńgímelerín júrgízdí. Su aıdyndaryndaǵy qauípsízdík erejelerín būzǵany úshín kásípkerlerdíń bíríne qatysty QR ÁQBtK-níń 412-baby boıynsha ákímshílík hattama toltyryldy.
Shyǵys Qazaqstan oblysynda qūtqarushylar mūz astynan balyq aulau oryndaryndaǵy baqylaudy kúsheıttí. Balyqshylarmen qatpaǵan mūzǵa shyǵudyń qauíptílígí jáne qūtqaru jıletterí men ózín-ózí qūtqaru qūraldaryn paıdalanudyń qajettílígí turaly profılaktıkalyq áńgímeler júrgízíldí. Qysqy kezeń bastalǵaly berí óńírde QR ÁQBtK-níń 412-baby boıynsha 31 qūqyq būzushy ákímshílík jauapkershílíkke tartyldy.
Qūtqarushylar kez kelgen kólík qūralymen, sonyń íshínde kvadrotsıklder men qarda júretín tehnıkalarmen mūzǵa shyǵuǵa qatań tyıym salynatynyn eske salady; syrǵanaqtarda jáne tyubıngpen syrǵanau kezínde qauípsízdíkke erekshe nazar audarylady, azamattarǵa tek arnaıy jabdyqtalǵan oryndardy tańdauǵa, qauíptí eńísterden syrǵanamauǵa, tyubıngte dūrys otyru erejesín saqtauǵa jáne balalardy qarausyz qaldyrmauǵa keńes beríledí.
Qazaqstan TJM qauípsízdík erejelerín qatań saqtauǵa jáne ómírdí qorǵauǵa shaqyrady, al tótenshe jaǵdaı tuyndaǵan jaǵdaıda dereu 112 nómíríne habarlasu qajet.