Astanada Tinder arqyly tanysyp, ózín "Nūraı" dep tanystyrǵan alayaq jábírlenushíden 4 mln teńgeden astam aqsha alyp, sot úkímímen 3 jylǵa bas bostandyǵyn shekteu jazasyna tartyldy, - dep habarlaıdy aqshamnews.kz tílshísí.
Astanada ınternet-alayaqtyq deregí boıynsha 20 jastaǵy tūrǵynǵa qatysty sot úkímí shyqty. Ís materıaldaryna sáıkes, aıyptalushy tanysuǵa arnalǵan Tinder qosymshasyna áıel adamnyń atymen "Nūraı" dep tírkelíp, paraqshasynda ózíníń Telegram-akkauntyna sílteme qaldyrǵan.
Telegram jelísínde beıtanys qyzdyń suretín paıdalanyp, jalǵan akkaunt ashqan kúdíktí jábírlenushímen hat almasyp, kezdesuge uáde bergen. Keıín ártúrlí syltaulardy alǵa tartyp, odan júıelí túrde aqsha sūraı bastaǵan.
Nátıjesínde jábírlenushí úsh aıǵa jetpeıtín uaqyt íshínde qaskóıdíń esepshotyna 4 mln teńgeden astam qarajat audarǵan.
Sot aıyptalushyny aqparattyq júıe paıdalanushysyna qatysty írí kólemde jasalǵan alayaqtyq úshín kínálí dep tanydy. Jazany taǵaıyndau kezínde onyń jasaǵan ísíne shyn ókínuí, keltírílgen shyǵyndy óz erkímen óteuí jáne auyrlatatyn mán-jaılardyń bolmauy eskerílgen.
Úkím boıynsha oǵan 3 jyl merzímge bas bostandyǵyn shekteu jazasy taǵaıyndalyp, probatsıyalyq baqylau belgílendí.
Mamandar ınternette tanysu barysynda saq boluǵa shaqyrady: belgísíz adamdardyń "jedel kómek", "jolaqy", "auyryp qaldym" sekíldí syltaularymen aqsha sūrauy — alayaqtyqtyń keń taraǵan belgísí. Vırtual tanystarǵa qarjy audarmas būryn aqparatty tekseríp, kúmándí jaǵdaıda baılanys úzgen jón.