Qala basshysynyń bastamalaryn qoldaımyz.
Shildeniń 21 kúni Almaty ákimi Baqytjan Saǵyntaev «Almaty» telearnasynyń tikeleı efırinde jobalardyń onlaın-prezentasıasyn ótkizdi. Bul prezentasıa barysynda shahar basshysy qalanyń komýnaldyq ınfraqurylymyn damytý jáne jańǵyrtý, sý burý jáne sýmen jabdyqtaý, qala kóshelerin jaryqtandyrý týraly aıtyp berdi. «Seısmoststroızashıta» JSHS dırektorynyń orynbasary Tımýr Ábdirahmanov bul bastamalardy qoldaıtynyn jetkizdi, dep habarlaıdy Almaty-akhamy.kz.
«Álemniń damyǵan qalalary úshin jol ınfraqurylymynyń sapasy jaıly orta qurýdaǵy asa mańyzdy kórsetkishterdiń biri bolyp tabylady. Sol sebepten, Almaty qalasy ákiminiń tikeleı efırde aıtyp ótken máseleleri búginde aldyńǵy kezekke qoıylǵan bastamalardyń biri dep esepteýge bolady. Onyń ishinde qala basshysy atap ótken – aýdandardaǵy magıstraldy jáne sýmen jabdyqtaý men káriz jelilerin salý boıynsha aýqymdy jumystardyń bastalýy «Jańa Almatyny» damytýdaǵy úlken bastamanyń biri bolyp tabylady. Efırde atap ótilgen keshendi jospardyń aıasynda oń sheshiletin máselelerdiń biri – káriz jelisi. Qazirgi tańda osyǵan baılanysty ákimdik tarapynan sýmen jabdyqtaý jáne sý burý júıelerin salý jáne rekonstrýksıalaý, strategıalyq qurylystar salý jumystary júrgizilip jatyr. Bul – úlken jaýapkershilikti bastama. Sondyqtan osy máselelerdiń ózektiligi men mańyzdylyǵyn eskere otyryp, qala basshysynyń atqaryp jatqan is-sharalary men bastamalaryn qoldaımyz», – dedi Tımýr Ábdirahmanov.