Mańǵystau oblystyq kámeletke tolmaǵandar ísterí jóníndegí mamandandyrylǵan audanaralyq soty polıtsıya qyzmetkerlerín qorlap, oqıǵanyń vıdeosyn TikTok-qa jarıyalaǵan jasóspírímge qatysty ístí qarady, dep habarlaıdy aqshamnews.kz
Ís materıaldaryna sáıkes, kámeletke tolmaǵan A. memlekettík nómírsíz mototsıkl aıdaǵany úshín ūstalǵan. Ol ūstalǵan kezde polıtseılerdíń ar-namysyna tıetín balaǵat sózder aıtyp, bolǵan jaıtty vıdeoǵa túsíríp, ony TikTok áleumettík jelísíne jarıyalaǵan.
Memlekettík aıyptaushy oǵan 30 saǵat qoǵamdyq jūmys túríndegí jaza taǵaıyndaudy sūrady. Jábírlenushí polıtsıya qyzmetkerí de jasóspírímdí jauapkershílíkke tartu talabyn qoldady. Al sottalushy kínásín tolyq moıyndap, ókínísh bíldíríp, jazany jeńíldetudí ótíndí.
SOT NE ShEShTÍ
Sotta jasóspírímníń kínásí onyń óz moıyndauy, jábírlenushíníń aıǵaqtary, vıdeomaterıaldar, sondaı-aq psıhologo-fılologıyalyq jáne ambulatorıyalyq psıhologo-psıhıatrıyalyq saraptama qorytyndylary arqyly dáleldengení aıtyldy. Ístí qarau nátıjesínde ol QR QK-níń 378-baby 2-bólígí («Bılík ókílín qorlau») boıynsha kínálí dep tanylyp, 30 saǵat qoǵamdyq jūmysqa sottaldy.
Sot onyń kámeletke tolmaǵanyn, shyn júrekten ókíngenín, būryn sottalmaǵanyn jáne mínezdemesíníń jaqsy ekenín jeńíldetetín mán-jaılar retínde tanydy. Al auyrlatatyn mán-jaılar anyqtalǵan joq.
