Temírtau qalasynyń 48 jastaǵy tūrǵyny 13-balasyn dúnıege ákeldí. Áıel Qaraǵandy oblystyq №1 perınataldyq ortalyǵynyń rekord ıesí sanalady, – dep habarlaıdy aqshamnews.kz tílshísí 31-arnaǵa sílteme jasap.
Larısa Kuznetsovanyń 13-nárestesí 2 nauryzda dúnıege kelíp, áıelder merekesí qarsańynda anasyna erekshe syı boldy. Sábı 3 kelí 650 gramm salmaqpen, boıy 54 santımetr bolyp tuǵan. Anasynyń bosanu úshín jasy bírazǵa kelgeníne qaramastan, būl joly da bárí tabıǵı jolmen ótíp, eshqandaı asqynusyz ayaqtalǵan. Sábıge Emın degen esím beríldí.
Úlken otbasynda qazír tórt qyz jáne segíz ūl ósíp keledí. Emın toǵyzynshy ūl boldy. Larısanyń úlken qyzy qazír 25 jasta. Ananyń aıtuynsha, balalary qarapaıym jalpy bílím beretín mektepterde oqıdy, sondaı-aq, skrıpkada, pıanınoda jáne gıtarada oınaıdy.
"Men de kópbalaly otbasynda dúnıege keldím. Sondyqtan būl maǵan tańsyq emes. Joldasym da bírtíndep úıreníp kettí. Óıtkení ol otbasynda jalǵyz ósíp, tárbıelengen. Būl sábıge bárímíz erekshe quanyp otyrmyz. Balalarymyzdy elge paıdaly azamat etíp tárbıelegímíz keledí", - dedí kópbalaly ana Larısa Kuznetsova.
