Kúníne 2500-3000 kírís jáne shyǵys qońyrau baılanystary qaraluda.
Almaty qalasynda Telemedıtsına ortalyǵynyń qyzmetkerlerí KVI jūqtyrǵan jáne auyratyn 3 myńnan astam nauqasqa qashyqtyqtan keńes beredí jáne kúndelíktí monıtorıng júrgízedí, dep habarlaıdy Almaty-akshamy.kz.
Búgíngí tańda Almatydaǵy Telemedıtsına ortalyǵyndaǵy dárígerlerdíń baqylauynda 3527 nauqas jáne statsıonardan keıín 49 nauqas bar.
Qazírgí kezde ortalyqta 52 158 kírís jáne 472 043 shyǵys qońyrauǵa qyzmet kórsetíldí.
Telemedıtsına ortalyǵy (būdan árí - TMO) úıde em qabyldap jatqan COVID-19 índetímen auyratyn patsıentterge kómek kórsetu maqsatynda 2020 jylǵy qyrkúıek aıynda ashylǵan bolatyn. OrtalyqCOVID-19 dertímen auyratyn patsıentterge, sondaı-aq, qauíp tobyna kíretínderge qashyqtan baqylau men konsultatsıya júrgízedí.
«Bíz MSAK ūıymdarynyń mamandarymen júrgízílgen oflaın keńesten soń TMO mamandary onlaın túrínde keńes beredí jáne úı karantıníndegí COVID-19 ben auratyn patsıentter boıynsha monıtorıng júrgízemíz. Emdeluge jatqyzuǵa kórsetkíshter bolǵan kezde TMO mobıldík brıgada nemese jedel járdem shaqyrady. Patsıentterdí tıístí medıtsınalyq kómek kórsetu úshín statsıonarlarǵa jíberemíz»,– dedí TMO basshynyń m.a. Jūldyz Bauyrjanqyzy.
Sonymen qatar, Almaty qalasynyń tūrǵyndarynan COVID-19 auruyna kúdíktílerge medıtsınalyq kómek kórsetu máselesí jóníndegí kírís qońyraular túsken kezde, mamandar aktıvtí qabyldap, tūrǵynnyń tūratyn aumaqtylyǵy boıynsha qala tūrǵynyna medıtsınalyq kómek kórsetu úshín emhanaǵa jíberedí, sondaı-aq, vaktsınatsıya máselesí boıynsha keńes beredí.
Telemedıtsına ortalyǵynyń táulík boıǵy baılanys telefondary: 8 (727) 300 505, ūyaly telefonnan qysqa qońyrau 1312 nomerí arqyly.