Bas prokuraturanyń málímetínshe, ınternet-alayaqtar oqyrmandy tegín elektrondy kítaptardyń baı qorymen qyzyqtyryp, toryna túsíríp otyr. Aldymen arnaıy bot arqyly qalaǵan tuyndyńdy tańdap, qysqasha mazmūnymen tanysasyń. Barlyǵy sauatty, senímdí, típtí zańdy servısterden aınymaıdy.
Degenmen, qyzyǵushylyqpen basqan sońǵy sílteme kítap ornyna vırus jūqqan qosymshany smartfonyńyzǵa ornatady.
Al odan keıíngí stsenarıı kópke tanys: qūpıya sózderíńíz ūrlanady, bank shotyńyzǵa qauíp tónedí, jeke hattaryńyz ben suretteríńíz bótenníń qolynda ketuí múmkín.
Qarapaıym ǵana kítap ízdep júríp, búkíl ómíríńíz alayaqtardyń alaqanyna túsu qaupí bar.
«Messendjerler arqyly kelgen belgísíz síltemelerdí baspańyz, kúmándí faıldardy júktemeńíz, tek senímdí kózderden júktelgen qosymshalarǵa seníńíz. Tsıfrlyq qauípsízdík ár azamattyń óz qolynda», — deıdí prokuratura ókílderí.
