Eń kóp ótíníshter Almaty, Astana jáne Túrkístan oblystarynyń tūrǵyndarynan túsken. Ūlytau, Pavlodar jáne Atyrau oblysy tūrǵyndarynyń belsendílígíníń tómendígí baıqalady, dep habarlaıdy aqshamnews.kz.
Eger qaldyrylǵan ótíním boıynsha jūmys sapasyz atqarylǵan jaǵdaıda, platformada shaǵym beru funktsıyasy bar. Chat-bot íske qosylǵannan berí 527 shaǵym tústí, olardyń kópshílígí aumaqtardaǵy tazalyq jūmystarynyń dūrys júrgízílmeuíne, qoqystardy uaqtyly shyǵarmauyna jáne joldardyń nashar jaǵdaıyna qatysty.
Esteríńízge sala keteıík, @TazaQazBot telegram-chat-botyn Ekologıya jáne tabıǵı resurstar mınıstrlígí 2024 jyldyń mausym aıynda qorshaǵan orta jaǵdaıyna qoǵamdyq baqylaudy arttyru jáne azamattardy ekologıyalyq problemalardy sheshuge qatysu maqsatynda íske qosty.
Platforma elímízdíń tūrǵyndaryna ártúrlí ekologıyalyq máseleler boıynsha ótínísh pen shaǵym berudíń qarapaıym jáne yńǵaıly tetígín ūsynady. Ótínímdí jíberu úshín avtorızatsıyadan ótu, fotosurettí tírkeu, mekenjaıdy kórsetu jáne máselení qysqasha sıpattau jetkílíktí.
Ótínímder avtomatty túrde tıístí jergílíktí atqarushy organdarǵa jíberíledí. Oryndaushylar jūmys ayaqtalǵannan keıín fotoeseptí tírkeuge míndettí. Al ony joldaǵan azamat oryndalu barysy turaly habarlama alady jáne kórsetílgen qyzmettíń sapasyn baǵalaı alady.
@TazaQazBot chat-botyn engízu arqyly ekologıyalyq protsesterdíń ashyqtyǵyn, jedeldígín baqylaı alamyz jáne azamattar da osy máselelerdí sheshuge qatysa alady.
Platforma qorshaǵan ortanyń lastanuyna jáne ekologıyalyq normalardy būzuǵa «nóldík tózímdílík» mádenıetín qalyptastyruǵa yqpal etude.