Almatydaǵy Kókjaılau mańynda turıstík toptan qalyp qoıǵan Iran azamaty qūtqaryldy, dep habarlaıdy Aqshamnews.kz tílshísí.
TJM málímetínshe, Bostandyq audanynda Kókjaılau shatqaly aumaǵynda tómen túsíp kele jatqan turısterdíń bírí toptan qalyp, baılanysqa shyqpaı qalǵan. Ótínísh bergenderdíń aıtuynsha, onyń ūyaly telefony jelí ayasynan tys bolǵan.
Ízdestíru-qūtqaru jūmystaryna TJM-níń «Barys» Respublıkalyq qūtqaru jasaǵynyń jedel toby shyqty. Qūtqarushylar tauly aumaqty túngí uaqytta, kóru múmkíndígí shekteulí jaǵdaıda teksergen.
Nátıjesínde Kókjaılau shatqalynan tómen tūsta turıstík toptan qalyp qoıǵan Iran azamaty tabyldy. Ol student ekení anyqtaldy. Jas jígít tau bókterínde ūıyqtap jatqan. Tekseru kezínde oǵan medıtsınalyq kómek qajet bolmaǵany belgílí boldy.
Qūtqarushylar ony qauípsíz jerge jetkízíp, taudan túsuíne kómektestí.
TJM tauǵa shyǵar aldynda jaqyndarǵa naqty baǵyt pen joryq uaqyty turaly aldyn ala habarlau qajet ekenín eskerttí.