Qazaqstanda 2026 jyldyń alǵashqy toqsanynda qant dıabetíníń Í jáne ÍÍ túrlerí boıynsha syrqattanu deńgeıí ótken jyldyń osy kezeńímen salystyrǵanda tómendedí, dep habarlaıdy Aqshamnews.kz tílshísí.
Densaulyq saqtau mınıstrlígíníń málímetínshe, bıylǵy alǵashqy toqsanda qant dıabetímen syrqattanu kórsetkíshí 100 myń tūrǵynǵa shaqqanda 308,7 jaǵdaıdy qūraǵan. Al 2025 jyldyń osy kezeńínde būl kórsetkísh 313,5 bolǵan.
Vedomstvo mūny endokrınologıyalyq qyzmettíń kúsheyuímen jáne alǵashqy medıtsınalyq-sanıtarlyq kómek deńgeıínde profılaktıkalyq jūmystardyń jandanuy nátıjesínde múmkín bolǵanyn aıtady.
Qazír óńírlerde endokrındík aurulardy anyqtau, emdeu jáne aldyn alumen aınalysatyn qūzyret ortalyqtary ashylyp jatyr. Sonymen qatar mamandandyrylǵan bólímshelerdegí tósek-oryn sany kóbeıtílíp, dıabet mektepterí men arnaıy kabınetter íske qosyluda.
Mınıstrlík deregíne súıensek, 2026 jyldyń alǵashqy toqsanynda profılaktıkalyq maqsatta alǵashqy medıtsınalyq kómek ūıymdaryna júgíngenderdíń úlesí 33,4 paıyzǵa jetken. Būl josparlanǵan 27 paıyzdan edáuír joǵary.
Sondaı-aq sozylmaly aurulary bar nauqastardy dınamıkalyq baqylau júıesí jetíldírílíp, joǵary sezímtal dıagnostıkalyq ádíster engízílgen. Sonyń nátıjesínde ınfektsıyalyq emes aurulary bar azamattardy dınamıkalyq baqylaumen qamtu deńgeıí 12 paıyzdan 34 paıyzǵa deıín artqan.
Degenmen keıbír óńírlerde profılaktıkalyq tekserulermen qamtudyń tómendígí, auruhanaǵa jatqyzudy ūzaq kútu jáne josparly kórsetkíshterdíń oryndalmauy sekíldí máseleler álí de saqtalyp otyr.
Osyǵan baılanysty Densaulyq saqtau mınıstrí Aqmaral Álnazarova óńírlík densaulyq saqtau basqarmalaryna alǵashqy medıtsınalyq kómek kórsetkíshterín aı saıyn baqylaudy, profılaktıkalyq jūmysty kúsheıtudí jáne sozylmaly aurularǵa shaldyqqan nauqastarǵa kórsetíletín medıtsınalyq kómektíń sapasyn arttyrudy tapsyrdy.