Qazaqstannyń basym bólígínde senbí kúní kún raıy qūbylmaly bolady, dep habarlaıdy Aqshamnews.kz tílshísí «Qazgıdromet» derekteríne sílteme jasap.
Sınoptıkterdíń boljamynsha, atmosferalyq fronttardyń ótuíne baılanysty elímízdíń kóp óńírínde jańbyr jauyp, naızaǵaı oınaıdy. Batys, ońtústík-batys jáne soltústík-batys aımaqtarda qatty jańbyr, būrshaq pen dauyl kútíledí. Tek ortalyq óńírlerde jauyn-shashynsyz aua raıy saqtalady.
Respublıka boıynsha jel kúsheıedí. Ońtústíkte shańdy dauyl boluy múmkín. Túnde jáne tańerteń eldíń soltústígínde tūman túsedí.
Abaı oblysynyń ońtústígínde aua temperaturasy +35 gradusqa deıín kóterílíp, qatty ystyq bolady.
Astana qalasynda kún qūbylmaly būltty, jauyn-shashynsyz. Aua temperaturasy túnde +13+15, kúndíz +30+32 gradus.
Almatyda da jauyn-shashyn bolmaıdy. Túnde +15+17, kúndíz +29+31 gradus jyly.
Shymkentte kún ashyq, jauyn-shashynsyz. Túnde +16+18, kúndíz +32+34 gradus bolady.
Bírqatar óńírde joǵary jáne tótenshe órt qaupí saqtalady. Mamandar tūrǵyndardy tabıǵat ayasynda ot jaqpauǵa jáne qauípsízdík erejelerín qatań saqtauǵa shaqyrdy.
Sondaı-aq aldaǵy úsh táulíkte ońtústík jáne ońtústík-shyǵystaǵy tauly ózenderde jańbyrǵa baılanysty su deńgeıí qūbyluy múmkín.