24 sáuír kúní Jetísu audanyndaǵy Ortalyq zıratta arnaıy senbílík ótkízíldí. Ís-shara respublıka kólemíndegí «Taza Qazaqstan» aktsıyasy ayasynda árí Ūly Jeńístíń 80 jyldyǵyna oraı ūıymdastyryldy, dep habarlaıdy aqshamnews.kz.
Almaty qalasynyń Jastar sayasaty basqarmasynyń qoldauymen ótken senbílík ekologıyalyq mádenıet pen elge degen súıíspenshílíktí qalyptastyrudy basty maqsat ettí. Ís-sharaǵa qalalyq komyunıtı-ortalyqtardyń eríktílerín qamtyǵan júzge juyq ekobelsendí men qala jastary atsalysty. Jalpy aktsıyaǵa 200 adam, 7 arnaıy tehnıka qatystyrylyp, 50 tekshe metr qoqys shyǵaryldy.
Senbílíkke qatysushylar Ortalyq zırat aumaǵyn tazarta otyryp, el tarıhyna eleulí úlkes qosqan aǵabuyn ókílderíníń ruhyna taǵzym ettí.
– Būl sharanyń negízgí maqsaty – jastar arasynda ekologıyalyq mádenıettí qalyptastyru jáne el tarıhyna, Ūly Otan soǵysyna qatysqan ardagerlerdíń ruhyna degen qūrmettí nyǵaıtu. Jaqynda ǵana elordada Memleket basshysynyń qatysuymen ótken «Taza Qazaqstan» ekofestıvalíne qatysqan bolatynmyn. Búgíngí shara – sonyń jalǵasy íspettí. Būl bastama búgínde úlken qozǵalysqa aınaldy. Oǵan qala tūrǵyndary, ásírese jastar belsendí qatysyp keledí, – deıdí Almaty qalasy Jetísu komyunıtı ortalyǵynyń jetekshísí Ákejan Keńes.
«Rıtualdyq qyzmetter kombınatynyń» bas ınjenerí Esbol Núsípov jastardyń kórsetíp otyrǵan kómegín kez kelgen uaqytta joǵary baǵalaıtynyn aıtty:
– Búgíngí aktsıyanyń tárbıelík mání zor. Jas ūrpaq beıbít aspan úshín janyn qıǵan batyrlardy ūmytpaı, qūrmetteuí tıís. Bíz eríktílerdíń eńbegíne alǵys bíldíremíz jáne estelík oryndarynda tazalyq pen tártíptí qoldauǵa árdaıym shaqyramyz.
Bostandyq audandyq komyunıtı-ortalyǵynyń jetekshísí Toǵjan Dauyl eríktíler qataryndaǵy qala JOO studentterí tazalyqty saqtau sharalaryna únemí belsene qatysatynyn jáne būl joly da memorıaldy retke keltíru bastamasyna bírden ún qosqanyn atap óttí.
Ūıymdastyrushylardyń aıtuynsha, mūndaı sharalar arqyly jastar boıynda tabıǵatqa degen janashyrlyqty, el tarıhyna degen qūrmettí síńíredí. Senbílík barysynda zırat aumaǵy men oǵan írgeles skver tazartylyp, qorshaǵan orta qalpyna keltíríldí.
