Qazaqstan Respublıkasynyń Prezıdentí Qasym-Jomart Toqaev Qazaqstan halqy Assambleyasynyń HHHÍV sessıyasynda el aumaǵyn jaıly jáne qauípsíz mekenge aınaldyru jolyndaǵy ūlttyq bastamalar turaly keńínen sóz qozǵady. Onyń aıtuynsha, eldíń tūraqtylyǵy men órkendeuíne tek ekonomıkalyq damu ǵana emes, ekologıyalyq jáne mádenı-etıkalyq tárbıe de tíkeleı áser etedí. Būl turaly Aqshamnews.kz saıty habarlaıdy.
Memleket basshysy atap ótkendeı, búgínde «Taza Qazaqstan» atty auqymdy ekologıyalyq aktsıya el boıynsha keń qoldauǵa ıe bolyp, naqty nátıjeler beríp otyr.
"Meníń bastamammen byltyrdan berí «Taza Qazaqstan» aktsıyasy júzege asyrylyp jatyr. Jalpyūlttyq jobaǵa 6 mıllıonnan astam adam qatysty. 1,6 mıllıon tonnadan asa qoqys jınaldy. 3,3 mıllıon kóshet otyrǵyzyldy", – dedí Toqaev.
Prezıdent būl jobanyń mańyzy – tek senbílík ótkízude emes, el azamattarynyń ekologıyalyq mádenıetín arttyru, tuǵan jerge degen súıíspenshílíktí oyatu ekeníne nazar audartty.
"Taza Qazaqstan – būl bízdíń búgíngí jáne erteńgí kúnímízdíń kepílí. Sondyqtan būl jūmys úzdíksíz jalǵasa beredí", – dedí ol.
Qasym-Jomart Toqaev óz sózínde tazalyq ūǵymyn tek ekologıyamen shektemeı, ony adamgershílík, adaldyq, jauapkershílík sıyaqty ruhanı kategorıyalarmen baılanystyrdy.
"Bíz ár azamattyń, ásírese jastardyń boıyna tazalyq, ūqyptylyq, jauaptylyq sıyaqty qasıetterdí síńíruímíz kerek. Taza ya tazalyq, būl – kıelí sózder. Ary taza adam eshqashan elín satpaıdy", – dep naqty aıtty Memleket basshysy.
Ol el bolashaǵy jastardyń boıynda osy qūndylyqtardy tárbıeleu arqyly ūlttyq bíregeılík pen jauapty azamattyq pozıtsıyany qalyptastyru qajet ekenín basa aıtty.
"Bíz «Qazaqstan – ortaq úıímíz» dep únemí aıtamyz. Sondyqtan elímíz taza, tartymdy, mádenıettí boluy kerek", – dedí Prezıdent.
Būl sózder tek ekologıyalyq tazalyqty ǵana emes, qoǵamdyq ómírdíń barlyq salasynda mádenıettílík pen jauapkershílík qaǵıdattaryn saqtau qajettígín bíldíredí. Ár azamat tuǵan elíníń kórkeyuí úshín jauapty ekenín tereń sezínuí tıís.
«Taza Qazaqstan» jobasy – el tūrǵyndarynyń ekologıyalyq, mádenı jáne azamattyq sana-sezímín arttyruǵa baǵyttalǵan strategıyalyq bastama. Būl joba arqyly Memleket basshysy eldíń tazalyǵy men tártíbín ūlttyq ıdeologıyanyń ajyramas bólígíne aınaldyrudy kózdep otyr. Elímízdíń árbír azamaty úshín tuǵan jerdí taza ūstau – paryz ǵana emes, ūltqa degen shynaıy mahabbattyń kórínísí.