«Taza Qazaqstan» respublıkalyq nauqany ayasynda Almatyda auqymdy senbílík óttí, – dep habarlaıdy aqshamnews.kz tílshísí
Aktsıyaǵa qalanyń barlyq audany belsene qatysty. Ár audanda tazalyq jūmystary júrgízíletín negízgí núkteler aıqyndaldy. Senbílíkke ártúrlí jastaǵy tūrǵyndar, memlekettík mekeme qyzmetkerlerí, qoǵamdyq jáne jastar ūıymdarynyń ókílderí jūmyldy.
Audan ákímdíkterí tazalyq jūmystaryn ūıymdastyryp qana qoımaı, qatysushylar úshín jaıly árí kóteríńkí kóńíl kúı qalyptastyruǵa da mán berdí. Máselen, Bostandyq audanynda Halyqaralyq shańǵy tramplınderí aumaǵynda ótken senbílík barysynda qonaqtardy gorılla jáne futbolshy keıpíndegí ártíster qyzyqtyrdy.
— Bíz mūndaı ís-sharalardyń bírde-bírín jíbermeımíz. Bala kezden tazalyq pen tártíptíń aınalamyz úshín óz jauapkershílígímíz ekenín túsíníp óstík. Ár adam ózí tūratyn jerdí ayalauy tıís, — dedí audan tūrǵyny Galına Levchenko. Ol senbílíkke audandyq Belsendí ūzaq ómír súru ortalyǵyndaǵy qūrbylary Aısham Voıntse men Raıhan Tólebaevamen bírge qatysty.
Senbílíkke eríktíler de belsene atsalysty.
— Bíz mūndaı ekologıyalyq aktsıyalarǵa únemí qatysamyz. Bíz úshín sanaly mádenıettí damytu mańyzdy. Būl jastardy bíríktíríp, qala tazalyǵy árqaısymyzǵa baılanysty ekenín kórsetedí, — dedí Newman eríktíler ūıymynyń ókílí Aızere Maratqyzy.
Medeu audanynda tazalyq jūmystary ekí aumaqta — Terísbūlaq ózeníníń batys jaǵalauynda (Ospanov kóshesínen Jamaqaev kóshesíne deıín), sondaı-aq qala íshíndegí bír aumaqta júrgízíldí. Audan ákímí Aıdos Nūrlybaevtyń aıtuynsha, senbílíkke 400-den astam adam qatysty.
Túrksíb audanynda negízgí alańdardyń bírí «Jeltoqsan» sayabaǵy boldy. Mūnda shamamen 2000 adam tazalyq jūmystaryna shyqty. Qatysushylar quraǵan būtaqtar men qoqysty jınap, seruendeu aımaqtary men jayau júrgínshíler joldaryn retke keltírdí.
Senbílíkke Almaty qalasy máslıhatynyń deputaty Dulat Ramazanov ta qatysty. Ol aktsıyanyń ekologıyalyq mádenıettí qalyptastyrudaǵy mańyzyn atap óttí:
— Ásírese mūndaı ís-sharalarǵa jastardyń belsendí qatysuy mańyzdy. Būl qorshaǵan ortaǵa jauapkershílíkpen qaraudy qalyptastyrady, — dedí ol.
Alatau audanynda jūmystar bírden bírneshe jerde — «Qaraǵaıly» sayabaǵynda, sondaı-aq Shańyraq, Terektí, Ójet, Aıgerím shaǵynaudandarynda jáne Úlken Almaty kanaly boıynda júrgízíldí. Jalpy alǵanda, senbílíkke 5–6 myńǵa juyq adam qatysty.
«Taza Qazaqstan» bastamasyna qala kásíporyndary da belsendí túrde qosyluda. Atap aıtqanda, Almaty kópír konstruktsıyalary zauytynyń qyzmetkerlerí senbílík ayasynda skver aumaǵyn retke keltíríp, aǵash kóshetterín otyrǵyzdy. Būl kógaldandyrudyń aua sapasyn jaqsartudaǵy mańyzyn kórsetedí.
-— Osyndaı bastamalarǵa qatysu — qalanyń tazalyǵyn saqtauǵa qosqan úles. Bíz mūndaı ís-sharalardy árdaıym qoldaımyz, — dedí zauyt bas dırektorynyń orynbasary Ashat Tleuberdıev.
Jalpy, «Taza Qazaqstan» aktsıyasy ekologıyalyq mádenıettí qalyptastyruǵa jáne qala ortasyna ūqypty qaraudy nasıhattauǵa baǵyttalǵan.