Almaty ákímí Darhan Satybaldy Jansúgírov kóshesín jayau júríp, kóríktendíru jobalarynyń júzege asyrylu barysymen, ınfraqūrylymnyń jaı-kúıímen jáne óndírístík nysandardyń jūmysymen tanysty, – dep habarlaıdy aqshamnews.kz tílshísí.
Tanysu Boraldaı kóshesíndegí skverden bastaldy. Būl aumaqta balalar jáne sport alańdaryn ornalastyru, art-nysandar ornatu, sondaı-aq Sūltan-Qarasu ózenínde júrgínshíler kópírín salu josparlanǵan. Kezdesu barysynda tūrǵyndar aumaqty kórkeıtu boıynsha ūsynys bíldírdí.
Odan keıín qala ákímí «Aıs Master – Aıs Krım kompanıyasy» JShS-de boldy. Kásíporyn basshylyǵy óndírístík alańdardy jańǵyrtyp, írgeles aumaqty qalalyq kóríktendíru talaptaryna saı retke keltíruge daıyn ekenín aıtty.
Sondaı-aq, qala basshysy Almaty qalasy Polıtsıya departamentí qyzmetkerleríne arnalǵan jańa sport kesheníne bardy.
Rysqūlov dańǵylyna deıíngí aumaqty aralau barysynda júrgínshíler aımaqtarynyń sanıtarlyq jaǵdaıy tekseríldí.
Darhan Satybaldy bíryńǵaı dızaın-kodtyń saqtaluyn qamtamasyz etudí, jobalardy júzege asyru merzímín baqylaudy, sondaı-aq qolaıly qalalyq ortany qalyptastyruda bıznespen ózara ís-qımyldy kúsheıtudí tapsyrdy.