İshki ister mınıstrligi "Taza Qazaqstan" baǵdarlamasyn iske asyrý aıasynda 2024 jyldyń 15 sáýirinen bastap respýblıka aýmaǵynda turmystyq qatty jáne qurylys qaldyqtaryn arnaıy belgilenbegen oryndarǵa tastaýǵa, sondaı-aq suıyq qaldyqtardy polıgondardan tys jerlerge tógýge jol bermeý boıynsha aksıa ótkizip keledi, - dep habarlaıdy aqshamnews.kz.
Jalpy shamamen 4 myńǵa jýyq stıhıalyq qoqys orny anyqtalyp, 664 myńnan astam ákimshilik quqyq buzýshylyq tirkeldi. Jergilikti atqarýshy organdarǵa zań buzýshylyqtardy joıý jóninde 2 834 usynys engizilip, nátıjesinde 2 295 qoqys orny joıyldy.
Qorshaǵan ortany qorǵaý salasyndaǵy sanıtarıalyq-epıdemıologıalyq jáne ekologıalyq talaptardy buzǵany úshin 1 419 laýazymdy tulǵa ákimshilik jaýapkershilikke tartyldy. Polısıa azamattardy qorshaǵan ortaǵa uqypty qaraýǵa, tabıǵatty qorǵaý zańnamasynyń talaptaryn saqtaýǵa, sondaı-aq qoǵamdyq tártipti buzbaýǵa shaqyrady.