Bıznestí artyq júktemesíz qalaı jańǵyrtuǵa bolady, ekologıyalyq sheshímderge kóshu qansha tūrady jáne kásípkerlerge qandaı qoldau sharalary qoljetímdí? Osy máseleler Almatynyń Nauryzbaı audany ákímdígínde ótken kásípkerlermen kezdesudíń negízgí taqyrybyna aınaldy, – dep habarlaıdy aqshamnews.kz tílshísí.
Talqylauǵa audan ákímdígí, Almaty qalasynyń Ekologıya jáne qorshaǵan orta basqarmasy, «Eco Almaty» JShS, salalyq qauymdastyqtar men kásípkerler ókílderí qatysty.
Kezdesudíń basty taqyryby - 2025 jyly 30 jeltoqsanda Almaty máslıhaty bekítken atmosferalyq auany qorǵau erejelerí boldy. Bıznes ókílderíne qoldanystaǵy ekologıyalyq talaptar, nysandardy kezeń-kezeńímen jańǵyrtu jáne qaladaǵy zıyandy shyǵaryndylardy azaıtuǵa kómektesetín sharalar turaly aıtyldy.
Ásírese, ekologıyalyq taza otyn túrleríne kóshu, shyǵaryndylardy tazartu júıelerín ornatu jáne bıznestí qoldau múmkíndíkteríne erekshe nazar audaryldy. Ashyq dıalog barysynda kásípkerler tuyndaǵan qıyndyqtardy tíkeleı talqylap, máselesín aıtyp, ózderín tolǵandyrǵan sūraqtardy qoıdy.
«Eco Almaty» JShS ókílderíníń aıtuynsha, mūndaı kezdesuler tūraqty túrde ótkízílíp, shaǵyn jáne orta bıznestíń túrlí salalaryn qamtıdy.
Eske salaıyq, atmosferalyq auany qorǵau erejelerí Almatydaǵy ekologıyalyq jaǵdaıdy jaqsartuǵa baǵyttalǵan. Qūjatta qalanyń gaz tartylǵan audandarynda qatty jáne sūıyq otyndy paıdalanudan bas tartu, shyǵaryndylardy tazartu júıelerín míndettí túrde ornatu jáne auanyń lastanuyn tómendetuge baǵyttalǵan ózge de sharalar qarastyrylǵan.
2025 jyly 27 qarashadan berí shaǵyn jáne orta bıznestíń 2 100-den astam nysany tekseríldí. Olardyń qatarynda tehnıkalyq qyzmet kórsetu beketterí, qoǵamdyq tamaqtanu oryndary jáne monsha keshenderí bar. Tekseru barysynda qatty otyn paıdalanatyn 760 nysan anyqtalyp, shamamen 110 kásíporyn shyǵaryndylardy tazartu júıelerín ornatqan.