2025 jyldyń jeltoqsan aıynda qazaqstandyqtardy qosymsha demalys kútíp tūr. Būl ózgerís Táuelsízdík kúníne oraı berílíp otyr, - dep habarlaıdy Aqshamnews.kz tílshísí.
Táuelsízdík kúní jyl saıyn 16 jeltoqsanda atap ótíledí. Bıyl da būl kún resmı mereke jáne demalys kúní.
Jalpy jeltoqsan aıynda:
-
5 kúndík jūmys aptasy úshín – 9 demalys, 22 jūmys kúní;
-
6 kúndík jūmys aptasy úshín – 4 demalys, 26 jūmys kúní bolady.
Jańa jyldy aldyn ala josparlaıtyndar úshín mańyzdy jaıt – 31 jeltoqsan 2025 jyl jūmys kúní. Sondyqtan jyl sońyndaǵy sauda, merekelík daıyndyq pen saparlardy erterek oılastyrǵan dūrys.
31 jeltoqsandy demalys etu turaly píkírtalas
Áleumettík jelíde 31 jeltoqsandy resmı demalys etu turaly ūsynys jıí kóteríledí. Alaıda Eńbek jáne halyqty áleumettík qorǵau mınıstrlígí būl kún memlekettík merekeler qataryna kírmeıtínín jáne ony demalys dep jarıyalau "orynsyz" ekenín atap ótken.
Jeltoqsan aıyndaǵy kásíbı merekeler
Táuelsízdík kúnínen bólek, jeltoqsan aıynda bírneshe kásíbı mereke bar:
-
5 jeltoqsan – Advokatura kúní;
-
6 jeltoqsan – Prokuratura qyzmetkerlerí kúní;
-
13 jeltoqsan – Qylmystyq-atqaru júıesí qyzmetkerlerí kúní;
-
20 jeltoqsan – Memlekettík feldegerlík qyzmet kúní;
-
22 jeltoqsan – Energetık kúní jáne Arhıvıst kúní.
Osylaısha, jeltoqsan aıy qazaqstandyqtar úshín merekeler men kásíbı datalarǵa toly bolmaq. Sol sebeptí qazaqstandyqtarǵa aldaǵy demalys pen jūmys kúnderín qazírden bastap josparlap alu ūsynylady.
