Almatyda ótken qoǵamdyq tyńdauda jastar plakattarmen Almaty Superski jobasyn qoldady, – dep habarlaıdy aqshamnews.kz tílshísí.
Búgín Oqushylar saraıynda tańerteńnen bastap Kók-Jaılau shatqalynda josparlanǵan Almaty Superski tau kurorty qūrylysynyń qorshaǵan ortaǵa yqtımal áserí turaly esep boıynsha qoǵamdyq tyńdaular ótíp jatyr. Ūıymdastyrushy — Kazakh Tourism Development Ltd. jeke kompanıyasy.
Almaty Superski jobasy Kók-Jaılau shatqaly men Kúmbel shyńy aumaǵynda jalpy ūzyndyǵy 65 shaqyrymnan asatyn trassalary bar shańǵy ınfraqūrylymyn damytudy kózdeıdí. Būǵan deıín joba ótken jyldyń mamyr aıynda premer-mınıstr Oljas Bektenovke beıresmı túrde tanystyrylǵan bolatyn, al kurorttyń jańartylǵan jospary 2025 jyldyń qyrkúıegínde bekítílgen.
Tyńdaular barysynda zalda jobany qoldaǵan plakattarmen kelgen jastar da boldy. Olar tau klasterín damytu jáne Almatyda jańa turıstík ınfraqūrylym qalyptastyru bastamasyn qoldaıtyndaryn kórsettí.
Jastar ókílderíníń aıtuynsha, tau kurorttaryn damytu Almatyny halyqaralyq turıstík deńgeıge shyǵarudyń mańyzdy qadamy bolyp sanalady. Qatysushylardyń bírí bylaı dedí:
«Almaty taulary — bízdíń basty tabıǵı brendímíz. Infraqūrylym dūrys damytylsa, qala álemdík írí kurorttarmen básekelesíp, búkíl álemnen turıst tarta alady».
Basqa qatysushylar jobanyń tek turızmge ǵana emes, eldíń jalpy ımıdjíne de áser etetínín atap óttí.
«Qazaqstan úshín bíz zamanauı ınvestıtsıyalarǵa ashyq ekenímízdí jáne álemdík deńgeıdegí ınfraqūrylymdy damytuǵa qabílettí ekenímízdí kórsetu mańyzdy. Mūndaı jobalar eldíń turıstík baǵyt retíndegí bedelín qalyptastyrady», – dep atap óttí olar.