Almatyda júrgízushíler kútpegen jerden aıyppūl arqalauy múmkín. Qalada «STOP būzushylyq» jedel aldyn alu ís-sharasy ayasynda jasyryn patruldeu tásílí engízíldí, – dep habarlaıdy aqshamnews.kz tílshísí.
Endí patruldík polıtsıya qyzmetkerlerí arnaıy belgílerí joq avtokólíktermen, azamattyq kıímde jalpy kólík aǵyny íshínde júríp, joldaǵy jaǵdaıdy baqylaıdy. Būl tásíldíń basty maqsaty – jol qozǵalysy erejesín óreskel būzatyn júrgízushílerdí anyqtau.
Ásírese agressıvtí júrgízu derekteríne basa mán berílude. Olardyń qatarynda kúrt jolaq auystyru, «shahmat» tásílímen júru, ózge kólíkterdí qysyp ótu jáne jolda apatty jaǵdaı tuyndatu sekíldí áreketter bar.
Mūndaı qūqyq būzushylyqtar tírkelgen jaǵdaıda, jasyryn patrul qyzmetkerlerí aqparatty bírden jaqyn mańdaǵy polıtsıya ekıpajdaryna joldaıdy. Keıín patruldík polıtsıya kólíktí toqtatyp, júrgízushíní zań talaptaryna sáıkes jauapkershílíkke tartady.
Polıtsıyanyń málímetínshe, būl tásíl qazírdíń ózínde nátıjesín bere bastaǵan. Tek ótken demalys kúnderí Almatyda agressıvtí júrgízudíń 28 faktísí anyqtalyp, joly kesílgen. Barlyq qūqyq būzushy jauapqa tartylǵan.
Vedomstvo ókílderíníń aıtuynsha, jasyryn patruldeu júrgízushílerdíń tártíbín baqylaudy kúsheıtíp, jol-kólík oqıǵalarynyń aldyn aluǵa múmkíndík beredí. Ásírese qauíptí manevrler men agressıvtí júrgízu saldarynan bolatyn apattardy azaıtu kózdelíp otyr.
Almaty qalasy PD ákímshílík polıtsıya basqarmasynyń bastyǵy Ábdínūr Tasybaevtyń sózínshe, būl tásíl kózge bírden baıqala bermeıtín óreskel qūqyq būzushylyqtardy anyqtauǵa kómektesedí. Onyń aıtuynsha, basty maqsat – tek aıyppūl salu emes, joldaǵy qauípsízdík mádenıetín qalyptastyru.