Qazaqstanda tanymal shaı túrlerinen qaýipti qospalar anyqtaldy
QR Bas memlekettik sanıtarıalyq dárigeriniń 5 qańtardaǵy qaýlysymen halyqtyń sanıtarıalyq-epıdemıologıalyq salamattylyǵy salasyndaǵy baqylaý maqsatynda tıisti normatıvtik quqyqtyq aktiler men tehnıkalyq reglamentter talaptaryna sáıkes kelmeıtin shaıdy ákelýge jáne satýǵa tyıym salyndy.
Halyqtyń sanıtarıalyq-epıdemıologıalyq qaýipsizdigi salasynda baqylaý maqsatynda satyp alý jáne saraptama júrgizý barysynda quramynda taǵamdyq boıaǵyshtar (sary "kún batýy" (E110), tartrazın (E102), ponso 4R (E124)) bar qara shaıdyń óndirilip, satylý faktileri anyqtaldy, olardy shaıda qoldanýǵa ruqsat etilmeıdi.
Budan bólek, halyqtyń sanıtarıalyq-epıdemıologıalyq qaýipsizdigi salasyndaǵy tergeýler barysynda shaı qaptamalarynda shaı óndirisi men qaptalýynda rastalmaǵan mekenjaılardyń kórsetilgeni anyqtaldy, bul qyzmetti júzege asyrýǵa ruqsat berý qujattarynyń joqtyǵyn kórsetedi.
Osyǵan baılanysty, kelesi qara shaı túrleriniń ákelinýi men satylýyna tyıym salyndy:
"Apamnyń sháıi Premium gold", "Al-Hayat" Golg, "BALQIA Premium gold", óndirýshisi "Orda Trade Astana" JSHQ (Almaty oblysy) óndirisi;
"Sultan Suleyman", "Pakistan tea", óndirýshisi "Real Trade Astana" JSHQ (Astana q.)
"BALQIA Premium gold", óndirýshi "Al-Hadıa" JQ (Almaty q.);
"Aje Onim", óndirýshi "Orda Chaı" JQ (Almaty q.) "Kálsı" JSHS tapsyrysy boıynsha:
"Al-Hayat" Golg, óndirýshi "Empire KENIY E.P.Z. Limited" (Almaty oblysy);
"Al-Jannat Premium", óndirýshi "Ferdaus" JQ (Almaty q.);
"Alfarah" (óndirýshisi qaptamada kórsetilmegen).