Jambyl oblysynyń bír qıyrynda tasqa qashalǵan toǵyzqūmalaq taqtasy tabyldy. Būl - ūlttyq oıynnyń tamyry tereńde jatqanynnyń taǵy bír dáleldedí. Tanymal sayahatshy, “Sayahat Time” jobasynyń avtory Ernar Almabek osy kóne jádígerdí kórsettí, - dep habarlaıdy aqshamnews.kz tílshísí.
Sayahatshy tasty japan dalada júríp kezíktírgenín aıtty.
"Otaulary, qazandyǵy - bárí bar. Būl úlken tasta toǵyzqūmalaq oınaıtyn ekí jer oıylyp jasalǵan. Tastyń qashan qashalǵany belgísíz, bíraq Túrík qaǵanaty kezeńíne jatady degen boljam bar", - deıdí ol.
Sayahatshynyń aıtuynsha, vıdeodaǵy tas Qarahan kesenesíníń qasynda ornalasqan.
"Tasty óz kózímmen kóríp, qatty áserlendím. Būl jer bír kezderí qaınap jatqan tírshílíktíń ortasy bolsa kerek. Bíraq qazír aınalada eshteńe joq. Kóneden estelík bop tas qana qalǵan", - deıdí Ernar Almabek.
Aıta keteıík, oıyn shamamen 4000 jyl būryn paıda bolǵan. Ǵalym Mūratqan Tánekeevtíń aıtuynsha, 1906 jyly orys etnografy Nıkolaı Pantusov alǵash ret toǵyzqūmalaqqa teorıyalyq jaǵynan saraptama jasap, onyń erejesín bekítken. Osy saraptamaǵa súıene otyryp, 1936 jyly ǵalym Sársen Amanjolov qazír oınalyp júrgen oıyn erejesín tolyqtyrǵan.
Qarsylas ekí oıynshyda 18 otauda 9 tastan, 162 tas bolady. Oıyn barysynda ár oıynshy "tūzdyq" ala otyryp, óz tasyn 82 tastan asyruǵa ūmtylady. Ol úshín matematıkalyq qosu, alu, kóbeıtu, bólu amaldaryn oısha árí jyldam qoldanady. Osylaısha, būl aqyl-oıdy damytatyn, ıntelektualdyq, zıyatkerlík oıyn retínde qalyptasqan.