Tamyz aıynyń basynda Qazaqstan aýmaǵynyń basym bóliginde ystyq jáne kóbinese qurǵaq aýa raıy boljanady, tek shyǵysta, eldiń ońtústik-shyǵysyndaǵy taýly jáne taý bókterindegi aýdandarda naızaǵaı men qysqa merzimdi jańbyr kútiledi. Bul týraly «Qazgıdromet» habarlady, dep jazady almaty-akshamy.kz
«Elimizdiń batysynda, ońtústiginde, ońtústik-shyǵysynda aýa temperatýrasy túnde +20+25°S, kúndiz +35+42°S, soltústikte, ortalyqta jáne shyǵysta túnde +15+22°S, kúndiz +30+37°S bolady.
Aýa temperatýrasynyń mundaı joǵary fony basqa aýa massalarynyń QR aýmaǵyna oryn aýystyrýyna jol bermeıtin buǵattaýshy antısıklonnyń ornyǵýymen baılanysty bolady.
Biraq birinshi onkúndiktiń sońyna qaraı buǵattaýshy antısıklon óz pozısıalaryn tapsyrady. Onyń ornyna Qazaqstan aýmaǵyna sıklon keledi jáne onymen birge atmosferalyq fronttar birte-birte aýysady.
Bul óz kezeginde naızaǵaı men qysqa merzimdi jańbyrǵa ákeledi. Keıbir óńirlerde jeldiń kúsheıýi múmkin. Sondaı-aq jylýdyń tómendeýi boljanady.
Respýblıkanyń ońtústik jartysynda aýa temperatýrasy kúndiz +25+30°S, soltústik jartysynda +20+27°S jetedi.
Aıdyń ekinshi onkúndiginde respýblıkanyń soltústik jartysyna sýyq aýa massalary túsedi. Bul aýa raıynyń turaqsyz sıpatyna ákeledi – jańbyr jaýady, taýly jáne taý bókterindegi aýdandarda qatty, naızaǵaı men jeldiń kúsheıýi kútiledi. Soltústik óńirlerde aýa temperatýrasy kúndiz +17+25°S-tan +23+30°S-qa deıin aýytqıdy, al ońtústik óńirlerde aýa temperatýrasynyń negizgi aıasy +28+35°S bolady. Aýa temperatýrasy kúndiz +23+28°S bolatyn ońtústik óńirlerde qalypty jyly aýa raıy kútiledi, al soltústik óńirlerde aýa-raıy kúzgi sıpatqa ıe bolady, kúndiz aýa temperatýrasy +17+22°S jetedi», - dep habarlaıdy «Qazgıdromet».