Taldyqorǵanda polıtsıya qyzmetkerlerí esírtkí saqtau jáne ótkízu kúdígímen 62 jastaǵy áıeldí ūstady. Tergeu barysynda onyń úıí men qorasynan írí kólemde esírtkíge ūqsas zat tabylǵan, dep habarlaıdy Aqshamnews.kz tílshísí.
Polisia.kz málímetínshe, kúdíktíge jedel uákílder baqylaudaǵy satyp alu sharasy arqyly shyqqan. Osylaısha odan az mólsherde gashısh satyp alynǵan.
Keıín tártíp saqshylary kúdíktíníń úıíne tíntu júrgízíp, ósímdík tektes zat salynǵan alty pakettí tárkílegen. Alaıda negízgí aıǵaq qora-jaıdan tabylǵan. Onda skotchpen oralǵan írí qara paket jatqan.
Polıtsıyanyń aldyn ala deregíne sáıkes, paket íshínen jalpy salmaǵy 5 kelíden asatyn gashısh tabylǵan.
Qazírgí kezde būl faktí boıynsha sotqa deıíngí tergeu júrgízílíp jatyr. Oqıǵanyń barlyq mán-jaıy anyqtaluda.
Sot sheshímímen kúdíktíge densaulyq jaǵdaıyna baılanysty úıqamaq túríndegí būltartpau sharasy tańdalǵan.