Qazaqstan Respublıkasy Memlekettík qyzmet ísterí agenttígíníń Almaty qalasy boıynsha departamentí janyndaǵy Memlekettík qyzmetter kórsetu máselelerí jóníndegí vedomstvoaralyq jūmys toby (VAJT) kóshpelí otyrys ótkízdí, - dep habarlaıdy Aqshamnews.kz tílshísí.
Jıynda avtokólík júrgízushíleríne arnalǵan mamandandyrylǵan halyqqa qyzmet kórsetu ortalyqtaryndaǵy qyzmet sapasy, azamattardyń shaǵymdary jáne olardy sheshu joldary talqylandy. Otyrysqa Almaty qalasy boıynsha Memlekettík kórsetíletín qyzmetter basqarmasynyń basqarma basshysy Maqsat Janbyrshıev, jūmys tobynyń tóraǵasy, departament basshysynyń orynbasary Nūrjan Uzbehanov jáne jáne VAJT múshelerí qatysty.
Kezdesu barysynda «Azamattarǵa arnalǵan úkímet» memlekettík korporatsıyasynyń Almaty qalasy boıynsha fılıaly ūsynǵan aqparat qaralyp, qyzmet kórsetu kezínde tuyndaıtyn bírqatar júıelí máseleler anyqtaldy. Atap aıtqanda, júrgízushí kuálígín alu kezínde azamattardyń ūzaq kezekte tūruy, emtıhan protsesíníń jetkílíktí deńgeıde ūıymdastyrylmauy jáne qyzmet kórsetu tártíbíne qatysty shaǵymdardyń jıí túsetíní turaly máseleler sóz boldy.
Jūmys tobynyń qorytyndysy boıynsha teorıyalyq emtıhan tapsyratyn kompyuterler sanyn kóbeıtu, qosymsha oqu synyptaryn ashu jáne praktıkalyq emtıhanǵa jazyludyń tıímdí júıesín engízu sekíldí bírneshe ūsynys qabyldandy. Múmkíndígí shekteulí azamattarǵa qolaıly jaǵdaı jasau máselesí de nazardan tys qalmady. Máselen, mamandandyrylǵan HQKO №4 bólímínde anyqtalǵan kemshílíkterdí joyu jáne múgedektígí bar azamattarǵa qajettí ınfraqūrylymdy qamtamasyz etudí qarastyru qajet ekení aıtyldy.
Jıyn qorytyndysy boıynsha VAJT «Azamattarǵa arnalǵan úkímet» memlekettík korporatsıyasynyń Almaty qalasy boıynsha fılıalyna aqparattyq-túsíndíru jūmystaryn kúsheıtu, teorıyalyq emtıhan tapsyratyn kompyuterler sanyn arttyru, mamandandyrylǵan HQKO-larda medıtsınalyq tekseru mekemeleríníń sanyn kóbeıtu múmkíndígín qarastyru jónínde naqty ūsynystar berdí.
Mamandardyń aıtuynsha, būl sharalar mamandandyrylǵan HQKO-larda kórsetíletín memlekettík qyzmetterdíń sapasyn arttyruǵa yqpal etedí.
Qūralaı IMANBEKQYZY