Memleket basshysy Almaty qalasynyń ákímí Darhan Satybaldyny qabyldady, – dep habarlaıdy aqshamnews.kz tílshísí Aqordaǵa sílteme jasap.
Qasym-Jomart Toqaevqa qalanyń áleumettík-ekonomıkalyq ahualy jáne negízgí damu baǵyttarynyń íske asyryluy turaly bayandaldy.
Darhan Satybaldynyń aıtuynsha, qala ekonomıkasynda oń dınamıka baıqalady: 2025 jyldyń qorytyndysy boıynsha ósím 6,5 paıyzdy qūrady, al bıylǵy qańtar-aqpan aılarynda qysqa merzímdí ekonomıkalyq ındıkator 9,4 paıyzǵa jettí. Negízgí kórsetkíshter ónerkásíp, qūrylys, kólík jáne sauda salalary esebínen qūralady.
Shahardyń ınvestıtsıyalyq portfelí 2,8 trıllıon teńgeden asady. «Almaty» ındustrıyalyq aımaǵy men «Alatau» arnaıy ekonomıkalyq aımaǵyna jańa jobalardy tartu maqsatynda keńeıtu jūmystary júrgízílude.
Almaty elímízdíń IT sektorynda jetekshí ról atqarady. Tsıfrlandyru ayasynda Almaty AI Park qalyptasyp, jasandy ıntellekt negízíndegí beınemonıtorıng pen taldau júıesí damyp keledí.
Turızm men tau klasterín órkendetu jalǵasady. Bıyl «Shymbūlaqty» jańǵyrtu, írgeles shatqaldardy damytu jūmystary bastalady. Jobalardy íske asyru 2029 jylǵy Qysqy Azıya oıyndaryna daıyndyq sharalarymen bírge júrgízíledí. Sonymen qatar qonaqúı ınfraqūrylymy keńeıtílude.
Bas jospardy túzetu ayaqtaluǵa jaqyn. Onda qala íshíndegí ortalyq modelín damytu jáne tau bókteríndegí aumaqta qūrylysqa shekteu engízu kózdelgen.
Qoǵamdyq kólíktí ílgeríletu, sonyń íshínde BRT jelísín keńeıtu, metro qūrylysy jáne jańa transporttyq sheshímderdí pysyqtau negízgí basymdyq sanalady.
Injenerlík ınfraqūrylym jáne sumen jabdyqtau júıesí jańartylyp jatyr.
Ekologıyalyq kún tártíbíne erekshe nazar audarylyp, jylu kózderín jańǵyrtu jáne shyǵaryndylardy azaıtu sharalary qolǵa alyndy.
Kezdesu sońynda Memleket basshysy Almaty AI Park jobasyn jedeldetu, sondaı-aq LRT jáne SkyTrain júıelerín engízu jūmystaryn jandandyru boıynsha bírqatar tapsyrma berdí.