Almaty memlekettík bıznes kolledjínde Nauryz meıramy erekshe sán-saltanatymen atalyp óttí. Kolledjdíń menedjment jáne marketıng bólímí, tamaqtandyru ındustrıyasy bólímí jáne ekonomıka jáne esepteu tehnıkasy bólímí úsh kún qatarynan ūlttyq qūndylyqtardy dáríptegen taǵylymdy ís-sharalar ūıymdastyryp, studentterge ūmytylmas áser syılady, – dep habarlaıdy aqshamnews.kz tílshísí.
Merekelík sharalar barysynda kolledj ūjymy men bílím alushylary qazaq halqynyń baı dástúrín, mádenıetín jáne ruhanı qūndylyqtaryn keńínen nasıhattady. Studentter ūlttyq kıím kıíp, salt-dástúrlerdí sahnalyq qoıylymdar arqyly kórsetíp, ūlttyq oıyndar ūıymdastyrdy. Úsh bólímníń studentterí daıyndaǵan ūlttyq taǵamdar kórmesí kópshílíktíń qyzyǵushylyǵyn tudyrdy.
Nauryz – tek kóktem merekesí ǵana emes, ol – tatulyq pen bírlíktíń, ízgílík pen jańarudyń sımvoly. Memleket basshysy Qasym-Jomart Toqaev óz sózínde: «Nauryz – halqymyzdyń bereke-bírlígín nyǵaıtatyn, yrys pen yntymaqty arttyratyn erekshe meıram» dep atap ótken bolatyn. Būl merekeníń mání kolledj qabyrǵasynda da aıqyn sezíldí.
Almaty memlekettík bıznes kolledjíníń dırektory Ashat Beríkbaıūly merekeníń mańyzdylyǵyna toqtalyp, bylaı dedí:
«Nauryz – bízdíń ruhanı tamyrymyzdy jańǵyrtatyn erekshe meıram. Bílím beru ordasy retínde bíz tek kásíbı maman dayarlap qana qoımaı, ūlttyq qūndylyqtardy boıyna síńírgen tūlǵa qalyptastyrudy basty míndet sanaımyz. Osyndaı ís-sharalar studentterdíń bírlígín nyǵaıtyp, olardyń mádenı tanymyn keńeıtedí».
Bıyl elímízde keńínen atalyp ótíp jatqan Nauryznama onkúndígí ayasynda ár kúnníń ózíndík mazmūny men tárbıelík mání boldy. Kolledjde de osy bastamaǵa sáıkes qaıyrymdylyq sharalar, ūlttyq oıyndar kúní, mádenıet pen óner kúní, dástúr kúní sekíldí taqyryptyq ís-sharalar ótkízíldí. Būl studentterdíń ūlttyq sana-sezímín arttyryp, qoǵamǵa degen jauapkershílígín kúsheıttí.
Kolledj dırektorynyń tárbıe ísí jóníndegí orynbasary Sholpan Maratqyzy da merekeníń tárbıelík máníne erekshe toqtaldy:
«Nauryz – tárbıe jūmysynyń eń mańyzdy baǵyttarynyń bírímen tyǵyz baılanysty mereke. Būl kúnderí bíz studentterge tek dástúrdí kórsetíp qana qoımaı, onyń mánín túsíndíruge tyrysamyz. Úsh kún boıy ótken ís-sharalar jastardyń belsendílígín, ūıymshyldyǵyn jáne shyǵarmashylyq qabíletín aıqyn kórsettí».
Ár bólím óz erekshelígímen kózge tústí. Menedjment jáne marketıng bólímí merekení zamanauı formatta ūıymdastyryp, ūlttyq qūndylyqtardy jańa qyrynan tanystyrsa, ekonomıka jáne esepteu tehnıkasy bólímí ıntellektualdyq oıyndar men tanymdyq vıktorınalar ótkízdí. Al tamaqtandyru ındustrıyasy bólímí ūlttyq taǵamdardyń kórmesín joǵary deńgeıde ūıymdastyryp, naǵyz merekelík kóńíl-kúı syılady.
Almaty memlekettík bıznes kolledjínde ótken Nauryz merekesí – bírlík pen dostyqtyń, ūlttyq ruh pen zamanauı kózqarastyń úılesken jarqyn úlgísí boldy. Úsh kúnge sozylǵan mereke kolledj ómírínde erekshe íz qaldyryp, studentterge ruhanı serpílís syılady.